影片
更多
2023-03-08
210 瀏覽
平時自己食 lunch 都頗求其，但同朋友食又唔係咁玩法喎🤣 今日近近地去中環 Decree by T 令 嘆lunch omakase！整體質素好高，打星星items真係驚艷到本宮⭐ 🦐 甜蝦甜筒將甜蝦他他＋蝦膏＋日本淮山釀入甜筒中，以柚子、橄欖油同減鹽caviar調味，開胃！ 🐟 炭燒鰤魚煙燻魚子兩星期熟成Yellowtail Kingfish本來就味濃，加埋用備長炭燒加煙燻，迫出魚油後更香；面頭嘅煙燻法國梭魚魚子好特別，第一次食！⭐ 蟹肉支豆豆腐Espuma北海道松葉蟹撈咗支豆蓉及少量蛋黃醬已經好creamy，加埋用日本絹豆腐整嘅泡沫真係超級正！滑嘟嘟好似whip cream咁，真係每一啖都有豆腐嘅真味！師傅仲好豪以dry caviar代替鹽調味。1kg嘅dry caviar要用10kg嘅caviar壓縮而成架，口感似烏魚子，煙煙韌韌，係高級嘅味道🧀 吉列油坊主配柑桔芝士油坊主即係北海道黑鱈魚做成半生熟嘅吉列炸魚， 配蜜餞柑芝士醬同少少竹炭海鹽食，清淡中帶鮮味⭐ 香煎馬友配鹹魚蔥油汁野生馬友保留魚鱗煎至香脆，配埋馬友魚做嘅鹹魚汁同蔥油超級有港式風味！食完條魚淨返啲醬唔浪費架，撈少
🦐 甜蝦甜筒
將甜蝦他他＋蝦膏＋日本淮山釀入甜筒中，以柚子、橄欖油同減鹽caviar調味，開胃！
🐟 炭燒鰤魚煙燻魚子
兩星期熟成Yellowtail Kingfish本來就味濃，加埋用備長炭燒加煙燻，迫出魚油後更香；面頭嘅煙燻法國梭魚魚子好特別，第一次食！
⭐ 蟹肉支豆豆腐Espuma
北海道松葉蟹撈咗支豆蓉及少量蛋黃醬已經好creamy，加埋用日本絹豆腐整嘅泡沫真係超級正！滑嘟嘟好似whip cream咁，真係每一啖都有豆腐嘅真味！師傅仲好豪以dry caviar代替鹽調味。1kg嘅dry caviar要用10kg嘅caviar壓縮而成架，口感似烏魚子，煙煙韌韌，係高級嘅味道
🧀 吉列油坊主配柑桔芝士
油坊主即係北海道黑鱈魚做成半生熟嘅吉列炸魚， 配蜜餞柑芝士醬同少少竹炭海鹽食，清淡中帶鮮味
⭐ 香煎馬友配鹹魚蔥油汁
野生馬友保留魚鱗煎至香脆，配埋馬友魚做嘅鹹魚汁同蔥油超級有港式風味！食完條魚淨返啲醬唔浪費架，撈少少壽司飯一齊食非常鹹香惹味，係港版日式risotto(?!)，師傅幫呢道菜改咗個名叫「馬友生死戀」(多國菜desuka？ )
🥩 牛肩肉生菜捲
煎香牛肩肉用紅酒慢煮然後拆絲，加入鴨肝同牛肝菌再香煎，面頭係慢煮曉蛋蛋黃醬同辣根刨絲，用日本生菜包住食唔會好膩，要一啖食呀因為太juicy喇～
🍣 壽司8貫+卷物
帶子柚子胡椒 / 鹿兒島深海池魚 / 金目鯛 / 長崎黑鯥魚 / 北海道馬糞海膽 都非常新鮮，個人最鍾意 金華鯖魚卷，野生鯖魚多游水所以油分無咁高，但燒完都有油脂香，白板昆布同鯖魚用醋漬過甜味更突出，回味 / 靜岡縣吞拿魚正，條魚重204.4KG，勁野嚟！
🐣 玉子燒
江戶前玉子燒係加咗帆立貝、蜜糖同雞蛋焗，完全冇用麵粉但口感鬆軟似蛋糕，開心
🍜 湯
鯛魚濃湯用左好多魚頭魚骨加蔬菜一齊煲，好creamy，用杯上好精緻，畫龍點睛！
🍨 甜品
用咗九年根百合整嘅雪糕，完全做百合嘅果糖整，健康味淡，嗒嗒吓又真係有百合口感，有趣
鍾意呢度師傅好肯講食材同煮法，經理們都做足功課有問必答，食得開心學到野！不得不讚餐具搜羅都好有心思，杯碟唔係Hermes就Prada🫶🏻 肉身眼睛同靈魂都好滿足 🥰
T's Lunch Choice $880 PER HEAD
張貼
