影片
更多
2017-04-15
89 瀏覽
一如以往地，本人都係會追捧潮流既人，前段時間係電視中聽聞過呢間食肆，一心想試，於是約左個老友嘗一嘗佢。滿足主打粥底海鮮火鍋，店鋪四周都會貼上食用tips，每台都會擺上計時器，等每一位食客都可以用最精確既時間煮熟 享用最新鮮既一刻，簡單既佈置 可以睇出老細既心思。預設7款海鮮，魚蝦蟹蜆鮑魚樣樣齊。海鮮火鍋最重要係咩？最重要梗係個海鮮！身為識食之人，梗係跟住個指示食左個蟹先。蟹肉尚算豐滿，肉質鮮美 清甜，蟹殻軟薄，容易拆除食肉。第二步食基圍蝦。灼兩分鐘就食得，肉質唔算厚身，但勝在新鮮，味美鮮嫩。新鮮鮑魚細細份，清爽，有咬口，但鮮味略嫌不足。象拔蚌同蜆煩大推。爽口，鮮味中帶甜，好食到我偷偷地食埋友人果份，美食在前，朋友放一邊。多寶魚，老實講，本人聽完都唔知係咩魚黎。但絕對係意外之喜，魚肉肥厚，啖啖肉。呢款魚少刺，完全唔洗驚哽親，小朋友都唔怕。除左海鮮之外，另外可以選擇五款配料。我地就揀左肥牛，黑豚腩肉，牛丸，津白，油炸鬼。相比起海鮮，肉類略為失色，勝在充滿鮮味既湯底搭夠。最後侍應姐姐都會幫我地加粥、豬油渣、莞茜等配料，集結全部精華盡地一煲！順利進化成究極體既海鮮粥，食完一碗又碗。單以肉類配料
滿足主打粥底海鮮火鍋，店鋪四周都會貼上食用tips，每台都會擺上計時器，等每一位食客都可以用最精確既時間煮熟 享用最新鮮既一刻，簡單既佈置 可以睇出老細既心思。
預設7款海鮮，魚蝦蟹蜆鮑魚樣樣齊。海鮮火鍋最重要係咩？最重要梗係個海鮮！身為識食之人，梗係跟住個指示食左個蟹先。蟹肉尚算豐滿，肉質鮮美 清甜，蟹殻軟薄，容易拆除食肉。
第二步食基圍蝦。灼兩分鐘就食得，肉質唔算厚身，但勝在新鮮，味美鮮嫩。
新鮮鮑魚細細份，清爽，有咬口，但鮮味略嫌不足。
象拔蚌同蜆煩大推。爽口，鮮味中帶甜，好食到我偷偷地食埋友人果份，美食在前，朋友放一邊。
多寶魚，老實講，本人聽完都唔知係咩魚黎。但絕對係意外之喜，魚肉肥厚，啖啖肉。呢款魚少刺，完全唔洗驚哽親，小朋友都唔怕。
除左海鮮之外，另外可以選擇五款配料。我地就揀左肥牛，黑豚腩肉，牛丸，津白，油炸鬼。相比起海鮮，肉類略為失色，勝在充滿鮮味既湯底搭夠。
最後侍應姐姐都會幫我地加粥、豬油渣、莞茜等配料，集結全部精華盡地一煲！順利進化成究極體既海鮮粥，食完一碗又碗。
單以肉類配料黎講就尚未能令人滿意，但海鮮食材新鮮，種類夠多，絕對會再次幫襯。張貼
