影片
更多
2022-11-11
1517 瀏覽
🌟餐廳：新城潮州飯店📍地址：九龍城衙前塱道30號地下💰價位：～$100 - $200⏰營業時間：星期一至日 18:00 - 04:00📱電話：2716 9949講起潮州打冷，相信大家都會諗起九龍城～該區既潮州菜館百花齊放，加上屯馬線開通，去九龍城區就變得更加方便～今日收工同朋友去咗間充滿傳統特色既潮州菜館「新城潮州飯店」，佢地已經係九龍城區屹立左26年，可以好好感受下懷舊潮州風味！———————————————————🔹滷水鵝片 拼 墨魚滷水鵝片絕對潮州菜既招牌菜式，烹調過程繁複，每次食潮州菜都會必點！鵝片食落油香肉嫩，厚薄適中，而作為潮州菜靈魂既滷水汁咸香味濃，配合啖啖肉既鵝片同爽彈煙韌墨魚，呢個組合真係勁夾！———————————————————🔹炸蝦棗另一傳統潮州家鄉菜式，蝦棗用蝦肉手打至起膠，混合芫茜、胡椒粉再炸至金黃色，賣相一流！食落啖啖蝦肉，熱辣辣，爽口彈牙，勁滿足～記得點埋秘製金桔醬汁，呢個係配搭潮州蝦棗既最佳選擇!———————————————————🔹椒鹽沙追魚/風尾魚潮州人好鍾意食魚，處理及烹調魚類更有一手～第一次試椒鹽沙追魚拼鳳尾魚，兩種魚先用鹽醃制，待魚吹到乾身
📍地址：九龍城衙前塱道30號地下
💰價位：～$100 - $200
⏰營業時間：星期一至日 18:00 - 04:00
📱電話：2716 9949
講起潮州打冷，相信大家都會諗起九龍城～該區既潮州菜館百花齊放，加上屯馬線開通，去九龍城區就變得更加方便～今日收工同朋友去咗間充滿傳統特色既潮州菜館「新城潮州飯店」，佢地已經係九龍城區屹立左26年，可以好好感受下懷舊潮州風味！
———————————————————
🔹滷水鵝片 拼 墨魚
滷水鵝片絕對潮州菜既招牌菜式，烹調過程繁複，每次食潮州菜都會必點！
鵝片食落油香肉嫩，厚薄適中，而作為潮州菜靈魂既滷水汁咸香味濃，配合啖啖肉既鵝片同爽彈煙韌墨魚，呢個組合真係勁夾！
———————————————————
🔹炸蝦棗
另一傳統潮州家鄉菜式，蝦棗用蝦肉手打至起膠，混合芫茜、胡椒粉再炸至金黃色，賣相一流！食落啖啖蝦肉，熱辣辣，爽口彈牙，勁滿足～
記得點埋秘製金桔醬汁，呢個係配搭潮州蝦棗既最佳選擇!
———————————————————
🔹椒鹽沙追魚/風尾魚
潮州人好鍾意食魚，處理及烹調魚類更有一手～
第一次試椒鹽沙追魚拼鳳尾魚，兩種魚先用鹽醃制，待魚吹到乾身後再油炸至金黃色，最後混合蒜/辣椒粒翻炒，工驟繁複，絕對係心機作！
上枱已經聞到香噴噴，魚肉充滿咸香味，魚骨炸至酥脆，成條食，別有一番風味，送酒一流！
———————————————————
🔹金銀蛋浸白菜仔
大大碟，岩哂鍾意食菜既我！湯底以香濃魚湯作基底，加入咸蛋、皮蛋提鮮，咸蛋白代替鹽作調味，再加入大量豬肉碎，配合鮮甜既白菜仔，呢個組合一流，健康得黎又惹味！！
———————————————————
😋味道：4/5
🏢環境：3.5/5
💁🏻♀️服務：4/5
💵價錢：4/5
🤟🏻性價比：4/5
———————————————————
👅整體小總結
疫情下既九龍城，有點水靜河飛既感覺，再加上區內將發展重建，難保呢一d傳統懷舊既餐廳能否繼續經營…夜晚7點黎到，餐廳兩間相連鋪位及室外均座無虛席，老闆娘坤嫂忙過不停，滿場飛，希望小店要繼續支持著！
呢度滿滿經典潮州菜菜式，例如蠔餅、烏頭、糖醋麵、招牌反沙芋等，應有盡有，下次要約多幾個朋友試多幾款菜底先得～
張貼
