一入去已經俾個環境吸引咗！既舒服，新淨又有親切感。
自助區好吸睛，擺滿新鮮蔬菜、火鍋丸類、麵類同海鮮，甜品一碟碟陳列得好整齊～
好好好鐘意佢地**水耕菜專區**，除普通蔬菜，仲有一啲係好特別嘅蔬菜，例如人蔘菜，石斛菜🥬 等等，真心想講新鮮嘅蔬菜比肉更貴。
仲有雪櫃入面滿滿嘅飲品任攞，台灣味濃郁到爆～連手搖風味飲品都有，甜品仲有黑糖豆腐花，好啱用嚟收尾！好想講如果時間可以長啲就好喇，而家得90分鐘，試唔曬咁多繽紛嘅美食，如果有兩個半鐘食就好喇。
湯底有八款選擇，有辣有唔辣，任君選擇。一人一鍋，我揀咗蟲草花木耳湯，好清香又帶少少甘味，飲落去暖笠笠。 我朋友就揀咗酸菜白肉湯，提鮮同好醒胃。 下次去，我真係好想試下佢嘅鳳梨菌菌蕃茄湯，呢個係要另加18蚊㗎，但我相信層次應該不同。
肉類方面無論係豬牛都切得薄薄一片，涮兩下啱啱熟，滑嫩得嚟又帶肉香～
我哋仲試咗魚片同魷魚，佢哋竟然有鯇魚片，啖啖肉無骨好鮮甜，我不停encore，必試，一流！
整體感覺：
💯 氣氛舒服
💯 食材新鮮多款
💯 服務親切
