滿福樓

營業中

休息中

之前在電視看到家燕姐到滿福樓拍攝，被電視的餸菜吸引了過來試試。餐廳樓底十分高，裝潢也有氣派！ 琳琅滿目的菜式下，幸得侍應的耐心推介，我們點了下列食物：前菜： 炸脆蜜糖芋絲- （其實佢有個名堂，不過唔記得叫咩名）好好味！ 好似薯條咁加蜜糖 ，正！ 冰鎮白靈菇： 好特別呀！好似食帶子刺身咁，依家寫食評都留緊口水！推介風味金榜開邊龍蝦：餐飲新推介菜式！真係要試試！因為醬汁非常惹味！似喇沙汁！新鮮熱辣的饅頭點醬汁食，正！就算醬汁濃但同時食得出龍蝦的味，肉質不會煮得太'林'👍🏻不過得一個包點會夠喉，於是點了一個白飯撈汁食，係超無敵！三杯酒焗蠔： 又是一款惹味菜。 有六隻蠔，每隻都大大件，蠔吸收了所有汁的精華,又是伴飯的首選！香煎銀雪魚： 魚件比想像中多，不過可能之前點的餸菜比較重味，這個煎魚感覺比較油膩，最終吃剩了一件魚塊甜品點了椰子雪糕楊枝甘露，侍應說餐廳的楊枝甘露十分出名。果然名不虛傳，芒果很甜，但吃得出不是加了糖水的甜，應該選用了靚芒果！而且椰子雪糕應該是自家制的，吃得出雪糕混了有少少果肉！雖然餐廳價格定位稍高，不過菜式特別，服務貼心（侍應會於下單時提供意見及經常斟茶），環境優雅，有重要聚