小胖台灣便當 (偉華中心)

營業中

休息中

對上一次黎食，係因為疫情關係禁了晚市，外賣左便當回家，今日我終於可以去小胖台灣便當坐底慢慢食啦。餐廳以快餐形式，先係門口點餐，然後侍應會安排座位，座位大多數以卡位為主，坐得舒適，坐底5分鐘左右就好快上菜。三杯蜜汁烤雞排便當+鹽酥雞+芙香蘋果茶（+12升級南部滷肉飯）烤雞扒估唔到好大件又厚身，雞扒外層烤得香口，外層薄薄一層蜜汁，食落甜甜地辣辣地，雞扒口感嫩滑，我地升級左滷肉飯，滷肉肥瘦適中，夠入味，撈飯一流，另外入面亦有唔少配菜，有木耳、小唐菜、粟米、節瓜、煎雞蛋，食完成份已經好飽肚。鹽酥雞調味剛剛好，不會過鹹，雞肉嫩滑，鹹脆香口。芙香蘋果茶超鐘意以到既芙香蘋果茶，蘋果味勁出，完全唔似飲緊茶，係飲緊蘋果汁，濃郁果香帶有清新甜味。