Starò

營業中

休息中

之前已經聽朋友講尖沙咀Staro 環境靚食物好， 今日姪女生日專誠帶佢嚟餐廳 慶祝生日。 一上到餐廳樓層打開𨋢門，佢已經表現出一個好驚訝嘅表情😂， 真係超靚呀，行到入餐廳仲有好多超夢幻嘅星球波波卡位， 整間餐廳都好有特色， 半球搖搖椅月亮椅， 天花板閃爍嘅星星, 星球吊飾 ,每個角落都係打卡位。即刨黑松露牛肝菌燉意大利飯：黑松露味好濃郁， 牛肝菌及黑松露片份量十足， 燉飯嘅軟硬度適中好美味。巴馬火腿肉醬水牛芝士餃子手工pizza：手工pizza上枱，店員會喺表面點火， 先嚟一個視覺嘅享受， 餃子pizza表面燒得蕉香，巴馬火腿嘅鹹香及上水牛芝士好夾好香，加上肉醬令口感滿足有層次。除咗 主菜美味甜品都好出色， 尤其是佢哋嘅招牌甜品 星球蛋糕， 生日一定要嚟試下， 超靚👍My Sign星球蛋糕:寫住祝福字句嘅碟上面放住個月球，打開入面係雜莓朱古力慕絲蛋糕, 朱古力味香濃 加上雜莓嘅微酸中和咗朱古力嘅甜膩 ，令人食完一口接一口😂， 店員奉上蛋糕嘅時候隨即燃點，火焰嘅效果好正， 成個過程超靚好有儀式感， 姪女好開心， 佢話今年過咗個好難忘嘅生日 👍