星耀廊

今次朋友想搵間酒店食tea，見海洋公園新開呢間酒店吾錯就嚟試吓，環境非常舒適寬敞，食物方面叫左期間限定繽紛春日節慶下午茶，tea set配自選Elephant Grounds咖啡或JING精選茗茶，甜點有：薰衣草慕絲蛋糕、香蕉朱古力蛋糕、復活蛋、蜂蜜甘筍蛋糕同英式鬆餅，我最鍾意係佢既scones，原味同香橙味都大大粒香脆鬆化，配以奶油忌廉同士多啤梨果醬好好味鹹點有：天使蛋、蘇格蘭煙三文魚醬三文治、雞肉粟米迷你漢堡同大蝦沙律杯，我覺得個三文治配煙三文魚醬、番茜甘荀忌廉口感較為特別，整體方面酒店員工服務一流，用餐很愉快