影片
更多
2019-06-05
989 瀏覽
First things first:* 建議book 枱先，閒日個晚市都滿哂* 推介：魚皮、黃金蝦終於有機會食金潮！聽朋友講呢度成日都好多人要等位，當晚我地兩個人7pm到，好好彩即刻有位。兩個人叫咗上湯竹笙浸白菜仔、黃金蝦、魚皮，加兩碗白飯。首先上枱嘅就係魚皮。佢一份魚皮$55，份量唔係好多，開胃小食甘。魚皮上面有芫荽、旁邊有花生，再加一碟辣椒豉油。好開心食到咁爽口嘅魚皮，一啲都唔腥，點左辣椒豉油好惹味！上湯竹笙浸白菜仔非常大盤，我已經唔用碟來形容，因為佢真係一個盤咁大份。我覺得佢嘅湯有啲鹹，味道就正常冇乜特別驚喜。至於佢嘅黃金蝦有兩款，一款係黃金蝦球，無殼、size 大d，份量多2-3隻，但係貴d；另一款就係連殼嘅，size 細d 同少d。我鍾意連殻食，所以就點左有殻個款。佢嘅蝦都唔平，圍起嚟一隻都要$1x左右。味道唔錯，唯一覺得可以改善嘅，係希望佢既蝦可以更加掛到鹹蛋，因為想更加好送飯😂😂😂 唔知蝦球係咪會容易掛啲呢？其實好想叫埋蒸魚/ 蜆湯，但係驚兩個人食唔晒，同場都見到人哋食荷葉飯，超大，應該夠5-7個人食。下次再多人啲試晒佢哋先！😋
* 建議book 枱先，閒日個晚市都滿哂
* 推介：魚皮、黃金蝦
終於有機會食金潮！聽朋友講呢度成日都好多人要等位，當晚我地兩個人7pm到，好好彩即刻有位。兩個人叫咗上湯竹笙浸白菜仔、黃金蝦、魚皮，加兩碗白飯。
首先上枱嘅就係魚皮。佢一份魚皮$55，份量唔係好多，開胃小食甘。魚皮上面有芫荽、旁邊有花生，再加一碟辣椒豉油。好開心食到咁爽口嘅魚皮，一啲都唔腥，點左辣椒豉油好惹味！
上湯竹笙浸白菜仔非常大盤，我已經唔用碟來形容，因為佢真係一個盤咁大份。我覺得佢嘅湯有啲鹹，味道就正常冇乜特別驚喜。
至於佢嘅黃金蝦有兩款，一款係黃金蝦球，無殼、size 大d，份量多2-3隻，但係貴d；另一款就係連殼嘅，size 細d 同少d。我鍾意連殻食，所以就點左有殻個款。佢嘅蝦都唔平，圍起嚟一隻都要$1x左右。味道唔錯，唯一覺得可以改善嘅，係希望佢既蝦可以更加掛到鹹蛋，因為想更加好送飯😂😂😂 唔知蝦球係咪會容易掛啲呢？
其實好想叫埋蒸魚/ 蜆湯，但係驚兩個人食唔晒，同場都見到人哋食荷葉飯，超大，應該夠5-7個人食。下次再多人啲試晒佢哋先！😋
張貼
