影片
更多
2022-01-24
1592 瀏覽
XO仔對「牛奶冰室」依個名唔算好陌生，起碼一響朵腦海中迅即會浮現出其黑白母牛個嘜頭，只係一直未試過。週末突然收到蕃薯Uncle來電，告知連鎖店於跑馬地新設之分店剛剛開幕，並誠邀小肥兩兄弟一齊去嘆下午茶，嘻嘻，兩隻為食貓呆在家中當然係立即答允啦！店子門面光鮮，正門前方企滿等外賣嘅客人。窗邊條人龍先係等緊堂食嘅。由於翻枱夠快，三口子排咗十五分左右就已經有位。店舖前方為收銀部及外賣部，陳列架上及雪櫃內可見多款包點。內側嘅用餐大堂光猛開揚，二至四人散座均以抗疫膠板隔開，空間感都好足。餐具收藏於餐桌嘅拉櫃內，慳位又衛生。自助落單流程簡易快捷，不用跟服務生對話可倍添安心。細佬於輪侯時早已參閱過附帶彩圖嘅過膠餐牌，諗定好要見識一吓咩叫「皇牌西多士」，目標明確。黑糖漿雪糕西多士（$44）：如相所示，西多士色澤金黃，可惜一啲油水都冇，而且唔得鬆身，內外都係咁乾噌噌。雖則伴配嘅雲尼拿雪糕可為西多添上濕潤，無奈雪糕毫不軟滑，食落質感仲係好粗嚡，加上量少味淡嘅黑糖漿缺乏香甜，真係唔明點做皇牌喎！跟餐點咗杯熱奶茶，不過所謂「濃D」都唔係好夠味。蕃薯Uncle因深深被桌上嘅「芝你最愛」靚相吸引，所以就點咗個「爆漿
週末突然收到蕃薯Uncle來電，告知連鎖店於跑馬地新設之分店剛剛開幕，並誠邀小肥兩兄弟一齊去嘆下午茶，嘻嘻，兩隻為食貓呆在家中當然係立即答允啦！
店子門面光鮮，正門前方企滿等外賣嘅客人。
窗邊條人龍先係等緊堂食嘅。由於翻枱夠快，三口子排咗十五分左右就已經有位。
店舖前方為收銀部及外賣部，陳列架上及雪櫃內可見多款包點。
內側嘅用餐大堂光猛開揚，二至四人散座均以抗疫膠板隔開，空間感都好足。
餐具收藏於餐桌嘅拉櫃內，慳位又衛生。
自助落單流程簡易快捷，不用跟服務生對話可倍添安心。
細佬於輪侯時早已參閱過附帶彩圖嘅過膠餐牌，諗定好要見識一吓咩叫「皇牌西多士」，目標明確。
黑糖漿雪糕西多士（$44）：如相所示，西多士色澤金黃，可惜一啲油水都冇，而且唔得鬆身，內外都係咁乾噌噌。
黑糖漿雪糕西多士
$44
36 瀏覽
1 讚好
0 留言
黑糖漿雪糕西多士
$44
76 瀏覽
1 讚好
1 留言
少奶濃D熱奶茶
44 瀏覽
1 讚好
0 留言
大大隻菠蘿包唔講得上係爆漿，但包包絕對新鮮熱辣，皮層香脆，包身鬆厚，拉絲芝心香濃柔滑。
爆漿拉絲菠蘿包
$22
84 瀏覽
1 讚好
0 留言
爆漿拉絲菠蘿包
$22
72 瀏覽
1 讚好
0 留言
跟餐點嘅熱檸檬茶原來係冇檸檬嘅。
哥哥簡單形容生滾牛肉湯米粉屬正常茶記質量，冇讚冇彈。
眼見另上碟牛乳炒滑蛋賣相咁得，所以都忍唔住試咗口。意外地蛋蛋香潤滑溜，塗上鬆軟嘅蒜香牛油多士，食落更覺惹味。
牛乳炒滑蛋、蒜香牛油多士
99 瀏覽
2 讚好
0 留言
張貼
