呂錦記手撕雞專門店 (筲箕灣道)

營業中

休息中

冇出街，喺屋企食外賣，首先行咗去呂錦記，買咗兩盒雞試下。呢間舖頭好似開咗一排，都未試過，見到好多食評都話好食，所以都買來試吓。古法雞要等10分鐘，所以又行咗過去隔離買𢳂𢳂餸，買完返嚟啱啱拎得。買咗一盒惹味系列 $60半隻惹味系列係手撕雞，我揀咗天府藤椒，感覺又唔係太過麻辣，味道比較溫和，少少麻辣，好香又唔會太過鹹，$60好抵食。份量都真係唔少。另外蟲草花水晶雞$88 半隻，帶到返屋企仍然熱辣辣，打開錫紙，啲香味就已經飄出來，佢會俾埋手套，咁我哋就自己將隻雞用手撕開，見到啲雞肉好滑。食落去好Juicy，蟲草花的味道好香。呢間外賣手撕雞質素唔錯，可以長期幫襯。