影片
更多
2025-06-07
524 瀏覽
之前食過K11分店，今日經過，原來圍方呢度都有，見到餐牌就好想食海南雞飯，得到朋友首肯，一人揀一個Set lunch再share一齊食😁唔洗問，我緊係揀海南雞飯啦，朋友就揀左奶香咖喱雞飯；盡可能要食菜嘅我再加左個期間限定嘅參巴辣椒炒通菜。（“期間限定”呢幾隻字嘅吸引力真係幾難作出防禦😅）文華海南雞飯($138)果然係招牌名物，不負所望，雞脾肉一啖入口，滿口雞油香味，雞肉鮮肥軟嫩，每件雞肉仲要附上彈牙嘅膠質雞皮，味美又多汁。油飯也非常鬆軟，不會太硬，也不會煮過頭；個人偏好將薑蓉跟醬油點飯食，反而雞肉我更喜歡剩食，因為好味嘅雞真係唔洗任何汁料，都已經一口入魂。奶香咖喱雞配白飯($88)朋友揀呢個，真係令我諗起喺新加坡食海南雞飯時，有些餐廳會提供鴛鴦海南雞飯嘅選擇，一半係我地食開蒸/煮/浸嘅雞，另一半則係燒雞。朋友揀呢個咖喱雞咁啱就係燒雞，所以令我即時諗返起新加坡。相比起海南雞飯，咖喱雞會有少少比下去，因為雞肉唔係全部用上雞脾肉，所以不是每件雞肉都嫩滑。如果沒有比較，這個咖喱雞除左唔係全部嫩滑之外，其實都唔差，一來燒雞配咖喱汁好夾，二來個咖喱汁真係好滑好香濃，剩汁撈飯食都足以食一大豌飯。參巴
唔洗問，我緊係揀海南雞飯啦，朋友就揀左奶香咖喱雞飯；盡可能要食菜嘅我再加左個期間限定嘅參巴辣椒炒通菜。（“期間限定”呢幾隻字嘅吸引力真係幾難作出防禦😅）
文華海南雞飯($138)
果然係招牌名物，不負所望，雞脾肉一啖入口，滿口雞油香味，雞肉鮮肥軟嫩，每件雞肉仲要附上彈牙嘅膠質雞皮，味美又多汁。油飯也非常鬆軟，不會太硬，也不會煮過頭；個人偏好將薑蓉跟醬油點飯食，反而雞肉我更喜歡剩食，因為好味嘅雞真係唔洗任何汁料，都已經一口入魂。
奶香咖喱雞配白飯($88)
朋友揀呢個，真係令我諗起喺新加坡食海南雞飯時，有些餐廳會提供鴛鴦海南雞飯嘅選擇，一半係我地食開蒸/煮/浸嘅雞，另一半則係燒雞。朋友揀呢個咖喱雞咁啱就係燒雞，所以令我即時諗返起新加坡。相比起海南雞飯，咖喱雞會有少少比下去，因為雞肉唔係全部用上雞脾肉，所以不是每件雞肉都嫩滑。如果沒有比較，這個咖喱雞除左唔係全部嫩滑之外，其實都唔差，一來燒雞配咖喱汁好夾，二來個咖喱汁真係好滑好香濃，剩汁撈飯食都足以食一大豌飯。
參巴辣椒炒通菜($72)
呢個又係必點。先讚火喉，洽到好處，沒有讓通菜煮得過火，因此菜莖入口鮮嫩爽脆、菜葉索汁惹味、易嘴嚼。參巴醬汁香而不辣、非常惹味，還伴有大量軟腍嘅蝦米，與通菜同食，口感更豐富。
最後笑話一則：點菜時，手機畫面彈出Cuisine Reward 新登記會員會有$25 Coupon，心諗我應該繼續有機會幫襯呢間餐廳，而且陣間埋單用埋減$25 Coupon咪更抵食。於是即時登記入會了。結賬時方知Coupon 原來只可以下次結賬時用😅。俾完錢準備離開啦，店員叫停了我，原來除左手機App.有電子Coupon外，另外再贈我一張實體Coupon，同樣都係$25😍。仲未完，店員再一次叫停我，提我要攞埋收據，因為跟單仲有一張$30 Coupon 😂😂😂，食左$300幾，但埋完單攞返$80 Coupon。
張貼
