Chatterbox Café (圍方)

大圍圍方三樓的 Chatterbox Café，專注於呈現正宗新加坡滋味，環境舒適，座位寬敞，不論係閒聊定慶祝，都係不錯選擇。參巴辣椒炒通菜（$72） 是期間限定食品，通菜炒得火喉足，爽口不老，參巴辣椒香濃微辣，辣味中滲出蝦醬香，提升整道菜嘅層次感。睇似簡單，食落卻有驚喜。星洲海鮮炒貴刁（$128） 炒得乾身帶鑊氣，麵條煙韌不黏，仲加入蝦仁、帶子同臘腸，鹹香鮮甜互相交融，臘腸更添港式風味，融合得恰到好處。豉油辣椒一上場，更令人忍唔住舀第二啖。香脆腐皮卷（$68） 一口咬下只有腐皮，但炸得酥脆，冇餡反而突顯腐皮香氣同油香，口感單純得嚟唔寡，係嗌嚟伴酒或者當小食都非常稱職。另外有Cuisine Rewards 計劃，免費登記，即可享有總值超過 $400 嘅迎新優惠。今餐體驗令人滿意，每道菜都見到心思。對新加坡菜有興趣，又鍾意有少少fusion感嘅朋友，不妨一試！…查看更多

大圍圍方真係多好嘢食！今日試咗Chatterbox Café，主打新加坡風味，環境舒服，食物水準仲要好驚喜，即刻同大家分享下三款必試招牌～🐔文華海南雞飯雞肉超嫩滑！皮薄肉軟，蘸埋佢哋秘製嘅黑豉油同辣椒醬，味道層次即刻豐富起嚟。最正係啖雞油飯，香而不膩，同嫩雞一齊食真係絕配！🍖鹹蛋黃雞翼外層鹹蛋黃醬炒到金黃起沙，咬落脆口得嚟又keep到肉汁，鹹香滋味食完一隻接一隻，絕對係送飯首選～☕Then Parlan Tia Latte泰式奶茶同咖啡嘅crossover，茶香同咖啡香平衡得啱啱好，入口順滑，飲完成個人都refresh晒！今次試咗三款都咁滿意，已經諗定下次再嚟試埋其他菜式～如果你都鍾意新加坡風味，呢間真係值得收藏！…查看更多

話說我哋一家第一次嚟呢間分店幫襯，一開始入到去，個位職員招呼都算可以，仲好好咁安排咗卡位俾我哋坐，感覺都唔錯。不過到咗食物上枱之後，失望就開始了。首先，食物份量唔多，以佢哋嘅價錢嚟講，真係唔值。海南雞飯味道普通，雞肉唔夠嫩滑，飯亦唔夠香；至於肉骨茶更加係失望，湯底淡而無味，完全唔似平時飲開嗰種香濃味道。最唔開心嘅係，食到差唔多尾聲，另一位較為年長的職員突然走嚟話我哋「夠鐘」，但其實我哋睇單仲有10分鐘，而且現場仲有好多空枱，門口都只係得幾個人等緊外賣。最誇張係，嗰位職員態度極差，好似抵押監犯走咁，仲要企係度等我哋即刻起身去收銀處俾錢先可以離開，完全冇禮貌，感覺好唔舒服。埋單時我哋都有向收銀職員反映意見，但佢哋都冇乜表示。之後先知原來有個港鐵會員優惠，可以送額外小食，但全程都冇人提過，枱面亦冇任何提示，變相你唔知就冇得攞，感覺好唔透明。總結：食物一般、價錢偏貴、服務態度差、優惠唔清晰。呢次體驗真係令人失望，唔會再幫襯第二次。…查看更多

今日同朋友仔去圍方行街，順便嚟試下呢間想食好耐嘅新加坡知名餐廳，佢係當地非常出名，以海南雞飯聞名💖🌟文華海南雞飯文華海南雞飯🐓的賣相簡約高雅。去骨雞肉🐔排列整齊，油飯🍚粒粒分明，泛著淡淡的雞油光澤，令人食指大動😋味道方面，雞肉🐓肉質鮮嫩，充分體現了食材的原味，蘸上濃稠的黑醬油與微辣的薑蓉🫚，層次感瞬間提升。油飯🍚雞湯香氣十足，卻不油膩，整體非常好味❗✨招牌雞肉喇沙賣相誘人，湯底濃香，覆蓋著米粉🍜、雞件🐓、豆卜、魚片🐟等食材，非常吸引。湯頭濃郁順口，椰奶香🥛與嫩滑雞肉🐔配搭出色，帶一絲微辣🌶️，非常惹味。配料如豆卜及魚片🐟吸附湯汁，搭配彈牙米線🍜，口感豐富又好吃。…查看更多

一句講晒：想一次過食到海南雞飯＋叻沙兩大經典？呢度係穩陣之選，味道唔花巧、但有料到，價錢偏高少少，不過環境同服務都俾得起。入到去就覺得光猛舒服，枱距唔逼，傾計都唔會隔離枱聽到晒。繁忙時段可能要等一陣，但落單快、出菜都利落。店員解釋配料都幾清楚，笑容有，唔會「趕客」。五個人叫四人餐啱啱好🐽一上枱見到雞件油光靚靚，聞落好清香。雞肉口感：胸位都做到嫩滑唔柴，腿位就更爽；唔係嗰種重鹹版，而係清雅路線。三色醬係靈魂：薑蔥香、黑豉油微甜、辣椒酸辣醒神——輪流點嚟食，雞味層次即刻升呢。雞油飯：米粒分明，有蒜香同油香，夠香但唔滯；跟嘅清湯偏淡，啱晒用嚟清口。一句評：穩陣、乾淨、食得出心機；鍾意辣嘅朋友，記得主攻辣椒醬，好過癮。總結一定要嚟試吓✌🏻…查看更多

今日咁岩出大圍，同朋友試下呢間一路想試既Chatterbox Cafe ，呢間店海南雞飯好出名，所以就試下佢1. 香炒河粉燴牛肉（$128)有驚喜呀，個粉係熱辣辣，出住煙咁捧上枱面。呢個濕河有炒河既味道，好夠鑊氣，河粉煙煙韌韌。個汁都好食，蒜味濃，出色呀！2. 文華海南雞飯（$142)見到有得轉雞胸，大讚！岩哂減肥美女同健身人士。上菜後，見到份雞好大份，食落口啖啖肉，好滿足。皮好爽，肉嫩滑，飯香，係好食既海南雞飯。餐廳都坐得好舒服，環境大方優雅，好岩帶另一半黎食飯😆總結而言，野食環境都好滿意呢～…查看更多

【🇭🇰香港食海南雞飯，呢間真係有驚喜！】 講到海南雞飯，新加坡文華酒店嗰間Chatterbox絕對係傳奇級別🤩！而家香港都有佢嘅分店，即刻約埋朋友去試吓～ 呢間Chatterbox Cafe嘅(Mandarin)海南雞飯，雞肉嫩滑到好似絲咁，飯粒吸晒雞油同香茅嘅香味，食落每一口都好有層次👍！仲有杯凍錫蘭奶茶，飲落好絲滑，同雞飯真係絕配～ 另外加咗黑醬油炒蘿蔔糕同鹹蛋黃雞翼，蘿蔔糕外脆內軟，鹹蛋雞翼個鹹蛋味好濃郁，食得出雞翼係用咖哩醃過，成件事都好正😋！ 用餐環境好舒適優雅，坐得好舒服，同朋友傾計食飯一流～佢哋嘅海南雞飯絕對係香港做得好出色、好正宗嘅選擇，鍾意海南雞飯嘅朋友一定要試！ 📍餐廳地址：Shop Unit 304, The Wai, Tai Wai, Hong Kong🏠餐廳名：Chatterbox Cafe #香港食評 #海南雞飯 #ChatterboxCafe #文華海南雞飯 #香港美食 #美食推介 #新加坡美食香港分店 @chatterboxcafehongkong …查看更多

🍽️ 今日嚟到九龍城Chatterbox Café，試咗幾款招牌菜，真心推薦！🌟🐔 Mandarin Chicken Rice 用咗CHG雞胸，肉質超嫩滑，搭配香氣十足嘅油飯，每一啖都係享受！雞肉唔會乾身，仲保持到豐富肉汁，絕對係必點之選！😋🦞 Crayfish & Prawn Paste Youtia 龍蝦蝦醬油炸鬼，外脆內軟，蝦醬味道鮮美，搭配微微甜辣嘅醬汁，口感層次豐富，好驚喜！👍🥥 Iced Coconut Tea 冰鎮椰香茶，清新解膩，椰香同茶香完美融合，飲落去好舒服，尤其適合夏天飲用！☀️📍地祉：Chatterbox Café (九龍城) 九龍城啟德協調道2號AIRSIDE B1樓B114號舖💡 溫馨提示：而家Cuisine Rewards全新會員計劃免費登記，即送$400迎新優惠！快啲叫埋朋友一齊嚟享受美食兼賺獎賞啦！🎉…查看更多

今日行開大圍，就去咗Chatterbox Cafe試吓佢最出名嘅文華海南雞飯 。我同朋友一人叫咗一個餐，然後一齊加$10升級做海南雞髀飯。呢個餐會配三個醬汁，雞油飯，熱豆腐湯，當然唔少得嘅就係海南雞髀啦。海南雞髀肉好滑，吸埋啲豉油汁就更加好食 。另外上菜都好快啊，落單之後5分鐘左右就上菜啦 。好彩我哋唔係繁忙時間去都唔使等咗好耐。我哋另外仲嗌咗最特色嘅鹹蛋黃雞翼，上菜嘅時候熱辣辣 ，加埋啲好邪惡嘅鹹蛋黃鋪係雞翼面頭，真係超級惹味。食完單+1先至四百幾蚊。仲送咗張$30嘅現金券可以下次用 ，有個幾月嘅限期 。職員仲推薦我哋參加會員計劃 ，登記係完全免費，仲有超過$400嘅迎新優惠，包括$25優惠券同埋鹹蛋黃雞翼劵 。可惜我哋趕住去睇戲唔夠時間join ，下次再去食一定要參加埋！…查看更多

二人套餐包一款小食、兩款主菜、一款蔬菜、兩杯飲品。黑醬油炒蘿蔔糕加入滑蛋拌炒，外層微脆，內裡鬆軟嫩滑，每口糕掛滿咸咸甜甜的黑醬油，還加入臘腸粒增添惹味。文華海南雞飯附香油飯及例湯，雞件肉質鮮嫩入味，油飯吸盡雞肉精華，啖啖滋味。香炒河粉燴牛肉份量十足，牛肉大大件，河粉麵質柔韌，濃郁醬汁滲透每條河粉，味道如沙嗲格外惹味。醬油生菜新鮮翠綠，香甜爽口，灑上乾蔥蒜等並淋上濃郁醬油，喜出望外的美味。招牌椰子沙冰配涼粉及日本紅豆，椰子味濃厚，滿滿的紅豆和涼粉令口感豐富。店員介紹Cuisine Rewards 全新會員計劃免費登記，可享超過$400的迎新優惠，包括$25優惠券及免費特色咸蛋雞翼優惠券。…查看更多

想食一個穩陣又好味嘅海南雞飯，去Chatterbox café就最理想！約咗朋友喺大圍食飯，圍方就有一間，非常方便。海南雞飯係絕對絕對唔可以錯過！每一次都係非常肥美，雞肉幼嫩，超鍾意佢碗飯，香噴噴，好食到停唔到！雞皮好薄，唔會太肥，非常抵讚！二人餐Combo可以揀兩款主食之外，仲有菜、一款小食，炒蘿蔔糕，甜甜地，口感好QQ，好有趣除咗二人餐，唔小心俾佢嘅期間限定菜式吸引到！🥰🥰🥰係鹹蛋魚皮啊！做到超級香脆，好輕好薄，但鹹香味好出！同魚皮一齊叫嘅一個小食ComboDouble the yum 😎😎係好輕身，但非常脆嘅腐皮！配搭凍飲，一流！我見佢哋而家有一個Cuisine Rewards會員計劃，免費登記，仲有超過$400嘅迎新優惠，橫掂間中都會去唔同嘅分店食，睇嚟都要join! 😎😎…查看更多

Chatterbox Cafe（圍方）餐廳位於新界沙田大圍車公廟路18號圍方3樓,餐廳裝修族新,設計充滿東南亞色彩,餐廳現時舉行全新會員優惠計劃,免費登記Cuisine Rewards可盡享超過400元迎新優惠,包括25元優惠券及免費特色鹹蛋雞翼優惠券。文華海南雞飯餐廳招牌菜之一,海南雞飯配料有香茜,車厘茄和青瓜作點綴,配有椰菜豆腐湯,油飯,辣醬,薑蓉和醬油,雞肉口感嫩滑,油香肉嫩,點買配料更美味可口,油飯口感軟糯,飲品有機紅榭茶。星洲海鮮炒貴刁炒貴刁上桌芳香樸鼻,好有鑊氣,配料有韭菜,椰菜,芽菜,魚乾仔,臘腸,帶子,海蝦,魷魚和雞蛋,材料豐富,貴刁比較幼細,口感香滑,海鮮新鮮,魷魚和海蝦爽口兼彈牙,魚乾仔和臘腸好香口,飲品有節咖啡。甜品有椰子雙球雪糕,配有薄荷葉作點綴,香濃椰子雪糕有椰絲口感。…查看更多

同朋友行開圍方，發覺呢間星加坡餐廳原來有二人套餐，價錢好似唔錯，所以試一試．今次點了的「二人滋味套餐」，餐牌設計不錯，選擇多樣，正好滿足兩人的胃口。以下分享每道菜式的感受：．*黑醬油炒蘿蔔糕（半份）*炒得香氣四溢，蘿蔔糕內裡軟滑，醬香濃郁但不過鹹。半份剛好作為開胃小菜，十分惹味。．*文華海南雞飯*海南雞肉滑嫩，油香而不膩，配上白飯，雞油的香氣滲透其中。雞飯的味道平衡，無需升級已經十分滿意。．*星州海鮮炒貴刁*炒貴刁的火候掌握得宜，河粉不過於油膩，搭配星州醬汁，充滿南洋風情，值得推薦。．*醬油生菜生菜保留了清脆的口感，醬油調味簡單卻有層次，作為配菜十分合適，能中和其他菜式的重口味。．*熱錫蘭奶茶奶茶茶香濃郁且順滑，溫熱的口感十分舒心，是套餐內的亮點之一。．*凍檸檬茶（+$10）檸檬茶冰涼配合埋個套餐，額外加$10升級也相當值得。．整體而言，套餐設計周到，無論口感還是分量都非常合適，而且價錢合理，兩個人坐低食吓飯傾吓偈確實唔錯。…查看更多

起大圍圍方嘅 食咗一餐晚飯，環境舒服闊落，本身喺尖沙咀都食過佢嘅分店，唔錯🍴 整體黎講呢度嘅菜式價錢唔算平，但質素都對得住，啱晒想搵個地方慢慢享受晚餐嘅時候～👩‍🍳✨白胡椒肉骨茶配麵線 $142白胡椒味道啱啱好，唔會嗆喉又夠香～湯底飲落暖笠笠，仲有啲微辣嘅後勁！欣賞有半粒原隻蒜頭起湯，可以慢慢食，配埋麵線，吸晒湯底精華，滑溜溜又唔會太鹹～🍜🔥香辣蒜茸秋葵 +$68秋葵好嫩滑，夾埋啲蒜茸香氣，好惹味！有少少辣椒粒，香辣程度適中！🌶️🧄🥬原個鮮椰青 $68呢個椰青用黎解辣～大大個椰水清甜，飲落好爽口，有啲天然椰香～飲完仲可以用湯匙刮啲椰肉食～🥥💧…查看更多

第一次食呢一間嘅海南雞飯感覺好有驚喜啲雞好滑黃油飯好香三個汁我最鍾意就係辣辣地紅色個喎有好開胃嘅感覺個餐仲包咗碗湯，不過個人就麻麻哋，好重蒜頭味天氣咁熱我哋加咗杯特飲紅莓鮮果梳打，味道正常，飲完都好解渴…查看更多