客家人

營業中

休息中

黃酒煮雞湯（半隻）$168呢款係客家人過節/坐月嘅滋補菜餚。酒味比想像中濃郁。黨蔘、黃芪亦令湯水帶點藥材味。雞肉煮嘅時間比較短，保持鮮味嫩滑。湯水仲有補血嘅木耳同埋紅棗。鮮菠蘿生炒骨 $138排骨粒先炸後炒好香口。排骨粒多肉少骨。糖醋汁酸甜惹味，加埋新鮮菠蘿更加開胃。而且仲有紅椒、青椒、洋蔥，色彩繽紛吸引。上湯蒜子浸時蔬 $88食咗咁多肉，梗係要食返個蔬菜。佢哋嘅時菜款式好多，煮法亦都可以任揀。我哋揀咗上湯浸菜心。菜心煮得夠腍，但又保持清甜，而且份量都幾多。上湯調味亦適中，蒜頭先爆香令上湯香味十足。