滾得棧 (已結業)

天氣寒冷，最好約班朋友圍爐食火鍋，知道油麻地滾得棧食材和湯底唔錯，今晚就一齊去滾。火鍋店地方夠大，又有VlP房，好適合大班人聚餐。十多種火鍋湯底中，朋友們最鍾情花膠響螺雞湯底，先飲一鍋滋補的雞湯才食火鍋。雞有補氣的功效，花膠筒含豐富骨膠原，滋陰養顏，響螺清肝潤肺，湯鮮味十足，啖啖精華。手打墨魚丸，彈牙有鮮味。鮮豬潤好新鮮，口感爽口。鮮蝦雲吞，每粒餡料都有鮮蝦，皮滑餡爽口。伊麵，份量都好多，用雞湯滾一滾，成了一碗雞湯伊麵。大班朋友一起聚餐，當然啤一啤！