翠苑甜品專家 (望隆街)

營業中

休息中

難得週末係香港，同親戚朋友一齊出黎轉一轉，山長水遠鑽入筲箕灣感受下。漫無目的遊蕩，突然被橱窗裡的「腰果」二字所吸引，短暫討論之後決定入去試一試。坐定定再細看menu，原來腰果糊仲要係星期六日特供，咁就必點啦。核桃糊同腰果糊都帶有好重的堅果香味。而且磨得好細緻，够濃稠，不似兑水。入口絲滑，香味醇正，甜度適中，果然係真材實料，無令人失望！桑寄生紅棗蓮子蛋茶，個名真係好長😂講到條脷都打結，姐姐簡稱「桑蓮蛋」。一開始見到隻蛋黑蒙蒙，好似台灣的鐵蛋，心諗可能煮得好硬。咬咗啖即刻對之前的印象大改觀，蛋就軟硬適中，茶汁甘甜，綜合口感的確唔錯。 雖然開始入秋，不過天氣依然好熱。食完之後一身汗，但個胃就暖笠笠，算係滋潤返啦。