啖啖燕窩 (駿運工業大廈)

營業中

休息中

呢間小店以燕窩，花膠，桃膠為主既甜品店，平時自己真係無時間特登去整呢d補品，呢度d甜品又正又抵食，真係買仲平過自己整，慳返唔少功夫。 冰川雪梨雪耳+ 紅棗杞子 燉 桃膠雪燕（$188） 入面有成舊雪梨，好清甜多汁，而雪燕桃膠份量都好多，非常滿足。 麻辣雞翼尖（$48） 麻辣雞翼尖平時都食得多，貪佢夠哂香口辣得過癮，不過呢度既麻辣唔係講笑，麻得黎又好香，唔會太辣，真係一啖接一啖咁食。 王林蘋果胖胖杯（$118） 呢個胖胖杯睇名本身都唔知係咩，原來上面係有好多王林蘋果肉，下面係蛋白同蛋黃，兩樣加埋一齊食好夾，亦都好足料，推介。 蜂蜜菊花杞子飲（ $48） 蜂蜜味好濃，唔會死甜，同埋入面都幾多料，一樽都幾飽。