更多
2025-02-07
425 瀏覽
朗豪坊嘅小點角落初二就啟市,除咗有雞蛋仔小食外賣,店內堂食主要有茶記常餐、兩餸飯同鐵板餐。今日又凍咗,食熱辣辣又充滿港式風味嘅滋滋聲鐵板餐就啱晒啦見住店員出餐前喺隔籬幫手淋咗個汁,上到枱就唔怕整污糟同成陣味,飯/意粉/薯菜係碗仔另上,個汁亦唔會太鹹,所以唔怕啲汁浸住人氣牛脷雜扒鐵板餐 $108雜扒堆滿成個鐵板疊高咗幾層,豬、牛、雞、腸仔、牛脷,包羅萬有好豐富滋選肉眼扒鐵板餐 $88兩塊肉眼太大塊好腍又香肉味,有少少軟筋,補充蛋白質一流套餐跟羅宋湯同飲品,羅宋湯濃郁鮮味,滿滿菜同肉,熱飲轉配手打檸檬茶只需加$8,仲可以用$18優惠價加配大大碗傳統中式糖水,個芝麻糊少少偏甜,但芝麻味好重又夠香滑,兩個人share啱啱好
朗豪坊嘅小點角落初二就啟市,除咗有雞蛋仔小食外賣,店內堂食主要有茶記常餐、兩餸飯同鐵板餐。今日又凍咗,食熱辣辣又充滿港式風味嘅滋滋聲鐵板餐就啱晒啦
見住店員出餐前喺隔籬幫手淋咗個汁,上到枱就唔怕整污糟同成陣味,飯/意粉/薯菜係碗仔另上,個汁亦唔會太鹹,所以唔怕啲汁浸住
人氣牛脷雜扒鐵板餐 $108
雜扒堆滿成個鐵板疊高咗幾層,豬、牛、雞、腸仔、牛脷,包羅萬有好豐富
滋選肉眼扒鐵板餐 $88
兩塊肉眼太大塊好腍又香肉味,有少少軟筋,補充蛋白質一流
套餐跟羅宋湯同飲品,羅宋湯濃郁鮮味,滿滿菜同肉,熱飲轉配手打檸檬茶只需加$8,仲可以用$18優惠價加配大大碗傳統中式糖水,個芝麻糊少少偏甜,但芝麻味好重又夠香滑,兩個人share啱啱好
張貼