茶語

營業中

休息中

今日又入大埔搵嘢食~呢間茶語個名夠哂盞鬼，原來係食台灣嘢，唔怪得門面行日式感嘅小清新風。睇咗一輪餐單後，我嗌咗酥炸豬扒肉燥飯配香芋珍珠，而朋友嗌鹽焗雞絲飯配蜂蜜蘆薈，另外我哋仲嗌咗小食蜜糖花枝丸。嘢飲先送上嚟，紫色嘅一杯香芋珍珠好靚。飲落口，超級順滑，係好香濃嘅芋頭味，珍珠大小煙韌度都剛剛好。炸豬扒肉燥飯大大個碗送上嚟，原來份量都幾多下。啲豬扒炸到酥脆金黃，切好哂一塊勁厚實，加埋肉燥醬，入口惹味無窮。而朋友都話自己碗雞絲好滑。花枝丸一碟有5個，夾一個點一點隔離嘅蜜糖，好甜好滋味~花枝丸勁大粒勁彈牙，實在令人想念起台灣~嗚嗚~無得去都有得食嘛~