初味

營業中

休息中

今日公司包場食西餐，之前Lunch都有係度食過，覺得都唔錯。今次嘅菜式都幾令我印象深刻，一共有幾多道菜式我記唔清楚啦，但我就特別鐘意三道菜式，第一就係龍蝦海鮮湯，呢個湯整得真係唔錯，唔會太鹹，有海鮮嘅鮮甜，仲有啲龍蝦肉絲係入面，味道濃郁，口感香滑，感覺足料。第二就係涼伴日本淮山秋葵，平時就好中意食呢兩樣嘢，涼拌嘅汁調製得好好。第三就係法國煙熏鵪鶉肶，肉質嫩滑，煙熏嘅味道幾香。呢間餐廳嘅菜式都幾多口味變化，唔係單只係做西餐，真係幾欣賞廚師，可以整到咁多唔同嘅菜式出嚟，可見主廚嘅功力深厚。