名人館

營業中

休息中

如果唔係朋友帶我嚟，都唔知觀塘原來有間主打潮州菜嘅中菜館。滷水三拼 ($288)潮州滷水係經典之一，當然要嗌啦！仲可以揀3拼，啱晒心多嘅我。揀咗墨魚、豬頸肉同五香牛𦟌，墨魚柔軟，牛𦟌軟腍入味，豬頸肉肥瘦均勻，口感爽彈，唔會肥膩。拔絲咕嚕肉 ($138)咕嚕肉外皮酥脆，肥瘦均勻，帶有少少脂肪，爽彈香口。大澳蝦干芥蘭煲 ($128)蝦干好大隻，芥蘭辣辣哋又帶鹹香，好惹味。蠔仔粥 ($88)有一碗同一窩揀，我哋揀咗碗，份量十足，非常飽肚！好足料，蠔仔份量多，大粒又飽滿，味道鮮美。