Parkview (新都會廣場) (已結業)

黎到葵芳新都會行街，晚餐想食西餐，經過Parkview見到環境優美，有卡位又有梳化，坐得幾舒服。最近食得太多肉，今晚一於食個素菜漢堡，以大啡菇取代漢堡扒，同樣滋味又健康d。大啡菇煎烤得剛好，唔會出水，肉厚多汁，菇味濃郁，好正～新鮮蕃茄配上原塊生菜，夠哂健康，再配黑松露風味醬及原塊香濃車打芝士，多重味覺享受，好菇之人必試！粗身薯條新鮮炸起熱辣辣，香口惹味～跟餐沙津菜新鮮爽脆，淋上酸醋汁，夠哂醒胃。手搓粉口感煙韌彈牙，嚼勁十足，菌香濃郁，忌廉黑松露醬汁同樣濃厚，而獨特既手搓粉掛汁力佳，入口香濃滋味，啖啖散發濃濃雜菌香氣～