魚蛋哥

營業中

休息中

今日去左旺角朗豪坊同朋友睇化妝品，睇完後有d餓想掃街食野，但因疫情係街食點都唔衛生咁，之後行多條街比我發現新開冇耐的魚蛋哥，咁就可以座底舒舒服服咁食掃街小食了。講真我地兩個都超喜歡掃街小食，必食辣魚蛋燒賣腸粉，呢幾樣係必放在一起連住食的，因為可以沾到甜醬麻醬豉油，辣魚蛋唔錯，腸粉又夠滑。豬紅豬腸韭菜，好入味的一盤，炸雞翼有小小炸蒜在面好香口， 咖喱魷魚牛柏葉豬皮都係好爽。大大件的厚切煎釀三寶，有齊 豆腐青椒茄子紅腸，每一件都好大件加上沾左魚肉去整，特別好食。學生時期我最愛的 三溝， 今日係呢到食到仲配辣菜脯，正到暈，必回頭再食。朋友就鍾情手工粢飯， 佢話材料豐富熱辣辣食最正。食咁多小食緊係叫返杯凍檸蜜和利賓立滋潤下啦。下次出旺角都可以買外賣回家做宵夜。