段純貞X日出茶太 (MOKO新世紀廣場)

營業中

休息中

旺角𝘔𝘰𝘬𝘰段純貞聯乘日出茶太，比起其他台式牛肉麵店，呢度有更多台式飲品選擇✦青花椒香手撕雞乾拌麵青花椒帶麻感，拌麵醬汁咸中帶微甜幾開胃，手撕雞幾吸醬汁唔會過乾，溏心蛋幾有驚喜，蛋香味濃✦招牌紅燒腱心牛肉麵牛肉麵嘅牛骨湯底帶少少藥膳味同帶甜，屬於比較濃稠嘅湯底，如果選擇細麵仲會比較掛湯，牛腱心肉屬於半筋半肉位置，入口會感覺到好重嘅膠原，口感軟彈✦麻辣鴨血冬粉鴨血厚身有口感，湯底麻度都幾高，但係陣麻勁好快過，食開小辣程度嘅話都可以接受到可以試吓，冬粉吸收曬麻辣精華，食得過癮✦鹽酥雞鹽酥雞外層炸得酥脆，咬入去幾𝘫𝘶𝘪𝘤𝘺，調味可以再重少少，配埋炸紫菜食多重口感✦蒜醬西生菜食得太多濃味主菜小食，食返個西生菜平衡返味蕾，感覺特別清新✦哈密瓜布丁西瓜奶茶西瓜奶茶味道好清新，幾易入口，哈密瓜布丁有驚喜，好似加强版哈密瓜荳奶嘅味，布丁口感綿密，成杯飲品好似甜品咁✦太極厚奶厚奶奶味香濃，味道似奶蓋，入面有珍珠同蒟蒻，口感好豐富