上海婆婆 (東港城)

營業中

休息中

經常都會食上海菜, 今晚嚟到將軍澳東港城, 上海婆婆都有間分店, 地方闊落多卡位, 餐點有很多選擇。花多眼亂, 不用考慮, 點咗歡聚四人餐。 江南三小拼水晶肴肉、三喜烤麩、小排骨最啱食水晶肴肉, 鹹香爽口, 膠質幾豐富。小排骨醬香味濃厚, 肉質腍滑, 炆得夠入味。烤麩軟熟有質感, 醬香味濃。上海小籠包小籠包皮薄饀鮮, 豬肉饀湯汁鮮味好豐富。椰菜回鍋肉豬腩肉肥瘦適中, 醬料調味濃郁香口, 又不會感到油膩, 椰菜鮮甜爽脆。松子大黄魚 魚皮炸得好香脆, 魚肉鮮嫩厚實有質感, 蕃茄加上甜椒和洋蔥等調和甜味醬汁, 口感豐富。砂鍋雲吞雞（鍋）雞肉鮮嫩幼滑, 湯底混合雞肉鮮味和火腿嘅鹹香, 鮮肉雲吞顯得更加順滑, 美味上湯可以飲多兩碗。高力豆沙球狀軟綿, 豆沙餡料好滑溜, 味道不太甜, 柔軟可口。