影片
更多
2020-12-04
28 瀏覽
本人自細就好鐘意小熊維尼，到近年就改為鐘意Duffy，至今屋企都起碼收藏左二、三百隻公仔，絕對係一個熊痴🙈上星期日約左好朋友食飯，佢話九龍灣有間以熊仔🐻做主題既親子餐廳應該幾岩我，所以大家就決定先去行街再去餐廳食晚餐🍴.餐廳位於Megabox既11樓，扶手電梯上到樓層後可以見到餐廳門口有隻巨型熊公仔🐻作招徠，相當引人注目❗️由於係親子餐廳，裡面既空間非常寬敞，除左有唔少熊公仔🧸作裝飾令人感覺溫馨之外，更有一個兒童遊樂區域提供少量圖書📚同玩具🚗俾小朋友，大人們就唔需要太擔心食緊飯既時候小朋友會扭計要離開，非常適合一家大細過黎用餐👨👩👧👦呢度既主食最平60零蚊就有交易，如果食牛扒🥩既話就160蚊左右 (未計加一)，價錢算係中等🤔當日我地就點左晚市二人套餐，298蚊有餐湯、餐包、前菜、主食、甜品同飲品，相對上比較抵食🈹******************************✨二人套餐 ($298)🍴歐陛式濃湯+牛油法包🥣🥖當日餐湯係羅宋湯，湯內有唔少雜菜🥬，可以話係非常足料👍🏻 湯碗邊明顯睇到呢碗餐湯比起其他地方飲到既係無咁油，味道亦適中唔會過鹹，只係略帶微辣，小朋友👧🏻👦🏻就未必岩
本人自細就好鐘意小熊維尼，到近年就改為鐘意Duffy，至今屋企都起碼收藏左二、三百隻公仔，絕對係一個熊痴🙈上星期日約左好朋友食飯，佢話九龍灣有間以熊仔🐻做主題既親子餐廳應該幾岩我，所以大家就決定先去行街再去餐廳食晚餐🍴
.
餐廳位於Megabox既11樓，扶手電梯上到樓層後可以見到餐廳門口有隻巨型熊公仔🐻作招徠，相當引人注目❗️
由於係親子餐廳，裡面既空間非常寬敞，除左有唔少熊公仔🧸作裝飾令人感覺溫馨之外，更有一個兒童遊樂區域提供少量圖書📚同玩具🚗俾小朋友，大人們就唔需要太擔心食緊飯既時候小朋友會扭計要離開，非常適合一家大細過黎用餐👨👩👧👦
呢度既主食最平60零蚊就有交易，如果食牛扒🥩既話就160蚊左右 (未計加一)，價錢算係中等🤔
當日我地就點左晚市二人套餐，298蚊有餐湯、餐包、前菜、主食、甜品同飲品，相對上比較抵食🈹
******************************
✨二人套餐 ($298)
🍴歐陛式濃湯+牛油法包🥣🥖
當日餐湯係羅宋湯，湯內有唔少雜菜🥬，可以話係非常足料👍🏻 湯碗邊明顯睇到呢碗餐湯比起其他地方飲到既係無咁油，味道亦適中唔會過鹹，只係略帶微辣，小朋友👧🏻👦🏻就未必岩飲🙅🏻♀️
牛油法包🥖非常脆口，伴餐湯食就最適合不過👐🏻
-
🍴法式香草牛油焗田螺🧆
雖然田螺望落好似好乾唔太吸引，但係因為加左香草牛油🧈，食落無過乾既問題，並唔係伏🤣
田螺既肉質鮮嫩，口感有d似食緊元貝咁，伴埋下面既薯蓉一齊食，綿滑之中有爽口感😬
-
🍴美國安格斯牛肩扒🥩
五成熟既牛扒外脆內嫩，雖然佢既油脂唔算話好重，但口感唔鞋之餘仲食到有牛味🐮，配埋蒜片一齊食，份外惹味😋
至於作為牛扒良伴既薯條🍟口感同樣外脆內軟，令人欲罷不能一條接一條咁食🤣
當日我地見到附近最少有三檯客人點左呢客牛肩扒🥩，估唔到呢度看似平平無奇，牛扒既質素卻不比扒房遜色，個人認為值得一試👍🏻
-
🍴芝士焗忌廉菠菜龍利柳飯🍛
焗飯上既芝士🧀焗至金黃色，賣相望落唔錯之餘飯量🍚仲幾大客🤔 當日我地食完牛扒🥩再share呢客焗飯黎食，份量岩岩好👌🏻
唔知係咪因為係親子餐廳既關係，呢客焗飯入面有唔少菠菜碎🥬，除左味道上無咁單調之外，仲令人感覺營養都幾均衡⚖️
不過個人就認為忌廉汁少左d，米飯食起上黎口感會有d乾，建議可以多返少少汁🤏🏻
-
✨白酒忌廉煮藍青口 ($68)
呢客青口既品種算係大size，不過青口肉就大小不一，並非隻隻都肥美🤔 至於口感食落幾新鮮，白酒味唔算太重
比較特別既係忌廉汁入面加左芫荽同紅椒，帶有少少酸，似係泰式料理既味道幾吸引，搞到我忍唔住要用匙羹不左幾羹忌廉汁黎飲😹
-
🍴曲奇雪糕🍨
跟餐既甜品係雪糕球，口味有雲呢拿、朱古力🍫同曲奇🍪3款口味，雪糕上面有朱古力醬同朱古力針作裝飾
個人認為呢球雪糕唔太食到係曲奇味，奶感亦唔重，入口就溶偏雪狀，有少少失望😣
-
✨自家製心太軟🍫 (套餐 +$18)
套餐既甜品可以加18蚊升級做心太軟，如果要寫字既生日版就加24蚊，當日我地就將套餐其中一客甜品升級左🙆🏻♀️
心太軟既朱古力蛋糕並偏薄身，匙羹吉落去明顯感受到蛋糕同佢抗衡緊，用力個下入面既朱古力漿有如火山爆發咁唧出黎，當日我地有少少俾佢嚇親😂蛋糕入口第一啖明顯食到牛油味🧈，不過食多兩啖又唔太覺🤔 同埋呢度心太軟既朱古力漿唔會太甜，加埋忌廉同蜜桃粒一齊食都唔錯，不過如果蛋糕厚返d就更加好啦😋
******************************
👧🏻人均消費：$190 (另+10%服務費)
😋味道指數：3.5/5
💰抵食指數：3.5/5
🪑環境指數：4/5
💁🏻♀️服務指數：4/5
👍🏻再訪指數：3.5/5
-
📍熊小館
地址：九龍灣宏照道38號企業廣場5期Megabox 11樓
⏰營業時間：11:30–22:00 (Mon–Sun)
張貼
