我也愛你咖啡館

參觀完鐵路博物館就嚟到大埔藝術中心嘗試 我也愛你咖啡館。

咖啡館其實位於藝術中心正門外面左手邊。我哋第一次嚟因為見到《醬料祭》還以為外面是市集。但原來是咖啡館連同本地唔同嘅醬料公司舉辦嘅醬料活動。

入邊嘅環境主要係落地玻璃，加上好多木材嘅傢俬，裝淨金嗰啲陽光充足，成個感覺好舒服。天花板好sweet咁有一串花卉做裝飾，個感覺其實好似去咗泰國啲Cafe。有一刻覺得其實香港嘅Cafe如果地方夠大，其實都可以好適合打卡。

2

因為啱啱已經食咗早餐冇幾耐所以只係嗌咗一個main course +一個brunch menu嘅fruit French toast+一個小食。

份量超大，味道唔錯唯一覺得八角太多。

$168

大澳鹹魚茄香蝦意粉
首先要講如果嗌意粉一定要share，份量超大，眼見其實每一枱一個意粉都係預兩個人食。 味道雖然話係鹹魚但係唔會超鹹，唯一其實我以為會多啲蕃茄同茄香味，反而係多咗好多八角，我覺得份量有啲多，同埋比較鹹。我自己覺得蕃茄同八角嗰份量掉轉會適合些。

超多蛋漿，冇想像中咁甜，如果可以加少少糖粉應該可以更加highlight個味道。

$92

Mixed Berry French Toast
French Toast個texture冇得輸，蛋漿超夠，味道唔會死甜，不過自己自私會希望有少少糖粉會更加帶出生果同toast個甜味同colour。
如果聖誕節呢個toast有糖粉應該會超應節同festive。

每隻青椒仔超大隻

$58

橄欖油西班牙青椒仔
呢個係因為佢本Menu周邊嘅intro 介紹所以想嘗試吓，放棄平時一定要嘅沙律菜。完全唔會後悔，不過如果三四個人share食應該會適合晒。因為每一條青椒仔都幾大條。

食完都有去幫襯買咗兩款果醬返屋企試吓，其中一款仲要係香港人2020年Artisan Marmalade Awards 得金牌嘅果醬。

最後，想讚吓咖啡館入邊嘅職員全部都好welcoming。有陣時去一啲遠嘅地方嘗試新餐廳，侍應嘅笑容同態度都真係好重要。我哋由餐廳一刻，確認咗我哋冇book位，都安排一張大枱及講明要share和幾時還枱（起碼有兩個半鐘享用時間，但係本身應該係冇限時），好清晰。
我哋有食物嘅配料問題，立即便答出食物嘅內容。以及當我哋出去睇佢哋舉辦嘅小型醬料祭，都係問有所答，同埋好歡迎客人試食，都係俾人嘅感覺好清楚咖啡館嘅所有內容。

香港真係有很多好有心嘅咖啡館等人去發掘。今日嚟到 大埔 我也愛你咖啡館 成個體驗都好好。已經心思思好想再去嘗試佢哋其他食物。