影片
更多
2022-08-18
17 瀏覽
係旺角通菜街呢條小巷，岩晒捐窿捐罅搵野食，呢日嚟到呢間新開嘅麵店，除左食麵竟然仲有咖啡飲～ 真係傳統得嚟帶點創新！🍽食物✨牛隊長湯麵 $88 8.5/10湯麵係佢哋嘅主打～ 牛骨湯底充滿鮮味，有啲似越南河嘅湯頭，帶點清甜，仲有少少藥材味，成個湯底好濃但又唔會油膩，配幼麵食除左掛湯，更加可以品嚐到湯底嘅濃郁。配料都十分足料，有大大舊崩沙腩同封門柳，燜煮到入晒味，但又唔會好韌咬唔到，牛味好突出，仲要份量都唔少！食肉獸見到會好滿足🤣👍🏻牛油果蝦多士+$40 8/10蝦多士就食得多，加埋牛油果真係好少見😂 多士炸到金黃色，上枱時係熱辣辣，中間有隻大蝦仁，下面就係一pat牛油果🥑 食落口牛油果嘅味道唔係好出，但佢嘅質感就勁有存在感！脆卜卜嘅多士同軟綿嘅牛油果形成強烈對比，口感比起普通蝦多士豐富好多～👍🏻籠仔海鮮蒸飯$88 7.5/10因為想食嘅鐵三角蠔蝦蟹海鮮湯麵賣晒，所以試吓籠仔蒸飯。一上枱就聞到好香蒜蓉味～ 配料有海蝦、青口、生蠔、蟹柳同埋蝦仁！白飯粒粒分明，店員話因為配料有味，可以先試味如果覺得淡先落豉油。豉油一定要係甜豉油先啱味！再加埋少少辣椒油，可以將成碗飯食晒🤤✨黃金單骨雞翼 $38
🍽食物
✨牛隊長湯麵 $88 8.5/10
湯麵係佢哋嘅主打～ 牛骨湯底充滿鮮味，有啲似越南河嘅湯頭，帶點清甜，仲有少少藥材味，成個湯底好濃但又唔會油膩，配幼麵食除左掛湯，更加可以品嚐到湯底嘅濃郁。
配料都十分足料，有大大舊崩沙腩同封門柳，燜煮到入晒味，但又唔會好韌咬唔到，牛味好突出，仲要份量都唔少！食肉獸見到會好滿足🤣
👍🏻牛油果蝦多士+$40 8/10
蝦多士就食得多，加埋牛油果真係好少見😂 多士炸到金黃色，上枱時係熱辣辣，中間有隻大蝦仁，下面就係一pat牛油果🥑 食落口牛油果嘅味道唔係好出，但佢嘅質感就勁有存在感！脆卜卜嘅多士同軟綿嘅牛油果形成強烈對比，口感比起普通蝦多士豐富好多～
👍🏻籠仔海鮮蒸飯$88 7.5/10
因為想食嘅鐵三角蠔蝦蟹海鮮湯麵賣晒，所以試吓籠仔蒸飯。一上枱就聞到好香蒜蓉味～ 配料有海蝦、青口、生蠔、蟹柳同埋蝦仁！白飯粒粒分明，店員話因為配料有味，可以先試味如果覺得淡先落豉油。豉油一定要係甜豉油先啱味！再加埋少少辣椒油，可以將成碗飯食晒🤤
✨黃金單骨雞翼 $38 8.5/10
呢個我一見到Menu上面有已經好想嗌，完全冇令人失望🥹雞翼炸得好香脆，外層包裹住鹹蛋黃蓉，炸衣唔會過厚，熱辣辣上枱嘅熱雞翼有咩可能唔好食！！！🥹
👍🏻迷你金銀蛋白菜 $38 8/10
食太多肉嗌返個菜先，雖然我唔係點食皮蛋，但係就唔知點解好鍾意嗌金銀蛋白菜仔😂有皮蛋同鹹蛋吊下味，個菜都冇咁單調～
👍🏻湯力冰啡 $35 8/10
佢哋係用本地烘焙高海拔咖啡豆，之前都未試過Tonic water加咖啡，試完之後覺得佢偏fruity，酸酸地，都幾特別！
👉🏻熱鹹檸鐵觀音 $20 7/10
呢款嘅鐵觀音有啲澀澀哋，加咗鹹檸之後，多左一浸鹹酸味，好解膩
⛩環境
👍🏻店內雖然環境唔大，但係客人之間都唔會坐得好迫，而且隔離仲有吧枱
👍🏻店內嘅裝修好有心思，以好多唔同嘅霓虹燈做裝飾，同埋全程都播軒公嘅歌😻
💁🏼♀️服務
👍🏻店員服務態度好友善！
📝總評 8/10
佢哋主打湯麵真係冇介紹錯，湯底濃郁右足料，如果一定要比較嘅話我會推介湯麵多過蒸飯🤣 至於咖啡都好有誠意！冇諗過食麵都飲到靚咖啡～
我哋呢日係星期六下午嚟到人流唔多，佢哋真係值得多啲人嚟支持🫶🏻🥹
👛人均消費 ~$190(連加一服務費)
⏱冇限時
張貼
