Come撈 (已結業)

同同事食lunch，去咗公司附近嘅一間新開餐廳，餐廳主打湯飯，仲有麻辣滷水小食。同同事叫咗2個湯飯同3個小食share。~~還原妹豬湯個名好正。湯用豬骨，上等老雞，瑤柱熬煮而成，冇落味精，飲落好清甜。湯飯有好多餸，包括滑雞，花膠同姬松茸。雞好滑，啖啖肉。花膠好大片，充滿骨膠原。~~蠔門不碎好足料，好多蠔仔，粒粒都脹卜卜，食落好鮮甜。~~麻辣滷水鴨舌份量都算多，鴨舌好新鮮，食落好爽脆。秘製麻辣汁好香，麻度辣度都啱啱好。~~麻辣滷水聖子我最中意食呢個，隻隻聖子都好大隻，新鮮。食落好鮮甜，加埋d麻辣汁，好惹味。~~麻辣滷水雞腎雞腎好爽脆，好好味。呢個d茶全部都係無糖，好健康。