一生懸麵

營業中

休息中

呢間拉麵店之前喺旺角已經好出名，不過成日都好多人排隊都冇機會試，早前去開九龍灣，而家先知原來有分店喺呢度，我哋下午茶時間去唔算太多人，終於可以試到，結果真係冇令到我失望。我哋點咗一碗雞白湯，一碗蝦湯沾麵。雞白湯首先飲吓啖湯，味道濃郁唔會好油，麵質有咬口，雞肉亦都好嫩滑，最鍾意佢隻糖心蛋，食得出醃過鹹鹹地好好味。蝦湯沾麵有超級多櫻花蝦，蝦湯厚身非常濃郁，用嚟配沾麵真係好夾，好香好好食，另外仲叫咗兩串雞軟骨同埋章魚小丸子，小食都同樣出色，終於試到佢哋嘅出品，如果唔使再排隊，下次有機會都會再試埋佢其他食物。