影片
更多
2024-03-15
23 瀏覽
全香港而家周圍都見到餃掂🥟因為真係質素唔錯 所以先開到咁多分店 有咁多支持者🥰🔥🔥而且都有一啲創新嘅特別款式餃子 🥟味道非常唔錯.🐷壽喜燒牛肉餃湯餃子壽喜燒牛肉餃湯餃子係餃掂嘅招牌菜式之一 平時食開啲餃子都係比較普通嘅味道同埋餡料 壽喜燒牛肉更令人覺得眼前一亮 重點係一定要嗌湯餃 湯底為#狀元九鼎湯 無添加味精 並加入粉葛、順德活鯪魚、香山活鯽魚、紅蘿蔔、扁豆、赤小豆、新會陳皮、蜜棗同鮮排骨等材料 味道鮮美豐富 真心好好飲 勁大碗湯但小編一個人飲晒 飲佢個湯仲好過飲水😂 餃子皮薄身肉多汁 牛肉餡料鮮嫩入味 絕對值得一試🤣🤣.🐷煎餃子-粟米豬肉餃及芫荽豬肉餃特別推介粟米豬肉餃同芫荽豬肉餃 兩款餃子有著不同的口感 小編鍾意都鍾意食煎餃子 🥟 因為煎完之後餃子皮更加香 又香又脆 餡料亦都好正 上菜嘅時候仲係熱辣辣🔥一咬落去有少少爆汁嘅感覺.🐷四川涼皮（少辣）如果你鍾意四川菜 咁唔可以錯過餃掂嘅四川涼皮 🤣 呢款小吃以涼皮為主 少辣適合唔係好食得辣嘅人士 涼皮爽滑爽口 配以特製調味料同花生碎 增添層次同口感 味道鮮美 😇🤩.🐷蜜餞雞翼蜜餞雞翼好好味 有啲後悔冇嗌多啲 🥰 雞翼經過蜜餞處理 外脆
全香港而家周圍都見到餃掂🥟因為真係質素唔錯 所以先開到咁多分店 有咁多支持者🥰🔥🔥而且都有一啲創新嘅特別款式餃子 🥟味道非常唔錯
.
🐷壽喜燒牛肉餃湯餃子
壽喜燒牛肉餃湯餃子係餃掂嘅招牌菜式之一 平時食開啲餃子都係比較普通嘅味道同埋餡料 壽喜燒牛肉更令人覺得眼前一亮 重點係一定要嗌湯餃 湯底為#狀元九鼎湯 無添加味精 並加入粉葛、順德活鯪魚、香山活鯽魚、紅蘿蔔、扁豆、赤小豆、新會陳皮、蜜棗同鮮排骨等材料 味道鮮美豐富 真心好好飲 勁大碗湯但小編一個人飲晒 飲佢個湯仲好過飲水😂 餃子皮薄身肉多汁 牛肉餡料鮮嫩入味 絕對值得一試🤣🤣
.
🐷煎餃子-粟米豬肉餃及芫荽豬肉餃
特別推介粟米豬肉餃同芫荽豬肉餃 兩款餃子有著不同的口感 小編鍾意都鍾意食煎餃子 🥟 因為煎完之後餃子皮更加香 又香又脆 餡料亦都好正 上菜嘅時候仲係熱辣辣🔥一咬落去有少少爆汁嘅感覺
.
🐷四川涼皮（少辣）
如果你鍾意四川菜 咁唔可以錯過餃掂嘅四川涼皮 🤣 呢款小吃以涼皮為主 少辣適合唔係好食得辣嘅人士 涼皮爽滑爽口 配以特製調味料同花生碎 增添層次同口感 味道鮮美 😇🤩
.
🐷蜜餞雞翼
蜜餞雞翼好好味 有啲後悔冇嗌多啲 🥰 雞翼經過蜜餞處理 外脆內嫩 甜味十足 每一啖都帶有濃郁嘅蜜餞味 非常開胃😆
.
🐷黃金原味皮蛋
黃金原味皮蛋係餃掂出名嘅小食之一 皮蛋表面金黃😆 內裡滑嫩 味道濃郁香濃 配以特製的醬料 帶出皮蛋的獨特風味⭐️
.
🐷熱豆漿
本身想飲佢哋嘅檸檬蜂蜜薏米水或者山楂雪梨水 兩款嘢飲都好啱呢一個天氣飲 因為薏米水可以祛濕 山楂雪梨水就可以滋潤一下 （天氣潮濕 但係皮膚仍然乾燥😭 嘴邊啲皮都乾琤琤就知咩料！）
佢哋嘅熱豆漿唔係好甜 小編覺得啱啱好 因為無糖豆漿對我嚟講又真係爭咁啲😂 少少甜真係唔錯 加上嗰日天氣都幾凍 飲返杯熱豆漿真心正🤩食完餐飯仲有半杯 然後仲係熱熱地暖暖地嘅🥰
.
餃掂
📍上環蘇杭街100號地舖
.
#吃貨日常#香港#茶餐廳#Cafe#中餐#好西#食#香港美食 #hkfoodie #foodiehk #上環 #上環好去處 #上環美食
張貼
