潮鍋

營業中

休息中

叫咗涼瓜石斛湯底，幾特別，清清地，飲完湯亦都唔會覺得口渴，應該冇乜味精。吊龍伴肉質嫩滑有肉味，大概灼8-10秒就食得。而且我覺得呢度嘅牛肉唔需要特別去點調味料，就咁食反而好食過點豉油。特別一提個魚蛋好好食，而家已經好少見到啲咁有魚味嘅魚蛋，而且都好彈牙。墨魚滑亦都好彈牙，但相對上就比較淡墨魚味。最後送咗個甜品係椰子布甸，好清新解濟。環境好舒服，感覺上周圍都好乾淨。而且侍應服務好好，全程不停問你有冇咩幫忙，或者會主動加湯比你，呢樣好重要令我哋會再回頭去幫襯。總括嚟講食物質素中上，大部分野都8/10，服務同埋環境10/10。