囍記車仔麵

營業中

休息中

夜晚係淘大行街，見到新開左間車仔麵喎！夜晚7點幾已經都差唔多full，咁岩仲有位唔洗等。環境整潔簡約，不過座位之間有點迫，行出行入要小心點。車仔麵來說，麵底、配餸種類算多，好多餸都想試下！最攪笑係湯底可以雙拼！例如沙嗲汁＋無湯就變左沙嗲撈麵咁。同男朋友一人一碗開心share。男朋友揀左蓮藕＋秘製辣魷魚＋菜心＋菠菜麵，配沙嗲汁。沙嗲湯底比較淡，唔知撈麵會唔會好味點？蓮藕偏爽口，蓮藕本身都煮得入味，所以就算個湯底淡，都依然好夠味！而且蓮藕好高纖，推介！魷魚完全食唔出秘製味道，同普通滾水煮魷魚冇分別。菠菜麵其他車仔麵店好少有，麵條幼身，麵質好滑，但就冇乜菠菜味，試下亦無妨丫。我揀左墨魚卷＋牛柏葉＋菜心＋烏冬，配秘製辣汁（中辣）。首先要撈混d辣汁，就咁睇好似唔多辣，但食落又辣架喎！個辣汁好味，下次試埋大辣！牛柏葉份量多，好爽口，吸收哂d湯底，正正子！墨魚卷有2大條，入面都多墨魚粒，口感幾好，不過如果炸下會仲好味，見到小吃有炸墨魚卷揀，下次可以試下。