海安咖啡室 (已結業)

門口望落殘殘舊舊，有次經過見到入面都好多人幫襯就試下，一試就十分驚喜😍▫️沙嗲蛋牛麵沙嗲好用心，唔但只有花生粒，食落仲好香沙嗲味。太陽蛋係流心咖😍▫️火腿公仔麵勢估唔到一個普通既火腿公仔麵，個湯底竟然係勁香濃既雞湯！唔係味精味既湯底真係好加分😍仲要有生菜，即刻覺得健康哂😂另外仲叫左菠蘿包同奶茶，完全係香港style既早餐！！😻不過味道就普通～✏️原來呢間冰室1962年就係度，個陣既上環仲係碼頭，所以叫「海安」係有一種盼望，祈求海上平安。我最欣賞係佢既枱枱凳凳包留左修舊如舊既精神，唔會係好光鮮亮麗，但就有種舊香港既氣氛。