春宵

打邊爐真係每一星期食一次！雖然開咗唔係幾耐但我已經第二次去食。我最鐘意就係佢嘅湯底，第一次食已經覺得好正好養生好足料係會想再去食。今次揀嘅湯底就同上次唔同但都好好食，今次揀咗係鮑魚海底椰瑤柱煲烏雞湯，湯底有好多料，味道真材實料味道清清地配咩食物都好適合。而食物方面就簡單講幾樣啦，包括有白鱔片，潮汕手切牛吊龍，山根，拿破崙響鈴同羊肉。魚就啖啖肉冇骨都不錯的！而牛肉比較特別係手切牛，牛肉一啲都唔老同味道較為濃烈。而打邊爐必食嘅一定係山根同響鈴係會食到湯底嘅精華真心必食啊！最後，叫埋羊肉純粹係朋友想食但都不錯的，冇羶味同好淋，可以一食。