影片
更多
2023-01-13
2704 瀏覽
呢度地方唔大座位唔多, 分夜晚6點同8點兩個時段, 所以黎之前記得一定要卜位, 如果唔係好大機會食唔到🙈 因為部分海鮮每日新嘅入貨, 所以記得要同老細留定想要既海鮮呀😉 冬瓜瑤柱螺頭鍋($150)湯底好足料有量既冬瓜, 瑤柱, 螺頭, 排骨, 湯頭飲落都幾甜一啲都唔味精🥰 打邊爐最緊要係個爐, 一場黎到點都要加$35試下炭火火鍋啦, 火喉好猛, 所以啲野都會好快滾, 但係味道就冇太大既分別😅三色油炸鬼($52)小食就揀左呢個分別鑲左蝦滑, 魚滑, 墨魚滑係油炸鬼度三色油炸鬼, 食落超級脆身, 個人最鐘意食墨魚滑果款, 食落比較夾同口感好啲😊五頭南非孔雀鮑魚($58/隻) 鮑魚每隻都有一隻女性手掌咁大, 好厚肉同埋鮮甜, 完全唔洗點任何醬汁都好食😍桂花蚌($148) 到今日我都仲好記得佢係勁快熟同埋超級無敵爽脆🤩即切墨魚片($158) 墨魚片白色一片片好似短版既河粉咁, 食若超彈牙同埋好新鮮🤤台式鴨紅($55)鴨血切成一條條砌到好靚, 食落係有種獨特既味道, 口感偏挺身🤓本地手切牛肉(大)($218)牛肉相對黎講比較普通, 牛味唔係特別濃😔牛爽肉($78)第一次食牛爽肉, 食落帶少少滑身
冬瓜瑤柱螺頭鍋($150)
湯底好足料有量既冬瓜, 瑤柱, 螺頭, 排骨, 湯頭飲落都幾甜一啲都唔味精🥰 打邊爐最緊要係個爐, 一場黎到點都要加$35試下炭火火鍋啦, 火喉好猛, 所以啲野都會好快滾, 但係味道就冇太大既分別😅
三色油炸鬼($52)
小食就揀左呢個分別鑲左蝦滑, 魚滑, 墨魚滑係油炸鬼度三色油炸鬼, 食落超級脆身, 個人最鐘意食墨魚滑果款, 食落比較夾同口感好啲😊
五頭南非孔雀鮑魚($58/隻)
[預留海鮮] 鮑魚每隻都有一隻女性手掌咁大, 好厚肉同埋鮮甜, 完全唔洗點任何醬汁都好食😍
桂花蚌($148)
[預留海鮮] 到今日我都仲好記得佢係勁快熟同埋超級無敵爽脆🤩
即切墨魚片($158)
[預留海鮮] 墨魚片白色一片片好似短版既河粉咁, 食若超彈牙同埋好新鮮🤤
台式鴨紅($55)
鴨血切成一條條砌到好靚, 食落係有種獨特既味道, 口感偏挺身🤓
本地手切牛肉(大)($218)
牛肉相對黎講比較普通, 牛味唔係特別濃😔
牛爽肉($78)
第一次食牛爽肉, 食落帶少少滑身非常爽口, 印象幾深刻😎
黑柏葉($98)
牛柏葉漂白之前既就係黑柏葉, 切到一絲絲食落勁爽口🥳
自製鮮蝦雲吞拼韭菜餃($58)
加$10就可以要雙拼每樣三粒既餃, 個人覺得韭菜餃比較出色😌
花雕雞片($65)
好入味既花雕雞片熟左之後都會食到淡淡既花雕味, 連個湯底都會有, 之後食菜既時候都食到😂
自製四寶丸(大)($115)
豬肉, 鯪魚肉, 牛肉, 墨魚肉整成既4款肉丸, 最好食既係墨魚丸會比較彈牙同埋味濃啲, 其他三款個人就覺得正常😅
因為炭爐比較高身, 所以呢度既枱會比較矮身, 食野既時候可能會冇咁方便, 不過食物質素係唔錯既🤩
張貼
