金和記海鮮菜館

念念不忘炭爐嘅風味初嘗喺香港用炭爐打邊爐- 馳名豬骨煲 $138 瓦煲 +$38- 花生 $13- 醬油*2 $36- 五頭南非孔雀鮑魚*2 $118-卜卜大蜆 $90- 本地手切牛肉 $228- 自製墨汁墨魚滑 $135佢有好多款湯底可以揀 我哋揀咗豬骨煲 滾咗之後一打開蓋聞到濃濃嘅胡椒味(諗起好耐冇飲胡椒豬肚湯🤣) 入面豬骨都有三四舊 仲有啲粟米蘿蔔 個湯底好鮮甜 不過有少少唔明點解瓦煲要另外再加錢🤣話說有次我諗住walk in去食 點知已經訂位滿座今次預早兩日book位終於試到😎訂位個時仲可以落定order留海鮮 保證新鮮 我哋就留咗兩隻鮑魚同蜆 鮑魚好厚肉 口感唔錯 夠鮮甜 大蜆又係好新鮮 食落好鮮甜手切牛肉放入煲淥一淥就食得 佢哋其實仲有幾款牛肉可以揀 包括吊龍 牛柳邊 但賣灑就冇佢哋嘅墨魚滑彈牙又滑 份量都算ok聽講佢哋啲墨魚片都好出色 淥三秒就食得 有機會再試吓💰$796…查看更多

我哋兩條友走去食呢一個火鍋，入邊仲有好多枱，不過係大枱。然後我哋話兩位個阿姐好寸一句就話「冇位」未見過啲咁差服務嘅人，就算你係炭爐都唔會食！極度不知所謂同埋態度惡劣！…查看更多

第一次嚟到這一間炭爐打邊爐的餐廳，好特別。每一台都是紅紅的炭老爐頭，好熱鬧，十分有氣氛。講到食材，每樣嘢都唔馬虎，牛肉好有牛味，雞十分嫩滑。墨魚滑好爽，記得俾錢是收現金的。總括來講，冇得輸。…查看更多

打邊爐就打得多但炭爐邊爐就真係第一次😳一路食一路聞到炭香味，超有懷舊港式風味▫️ 花雕醉雞鍋👉🏻 雞件好嫩滑，花雕酒湯底好香濃，有淡淡嘅藥材味，非常清甜香醇，忍唔住不停飲佢個湯，真係好暖胃⭐️⭐️⭐️⭐️⭐️.▫️手打墨魚滑👉🏻 墨魚滑非常爽口彈牙，質感滑溜，鮮味十足⭐️⭐️⭐️⭐️⭐️.▫️黑柏葉👉🏻 黑百葉份量都幾多，口感爽脆有咬口⭐️⭐️⭐️⭐️——————📍 深水埗九江街145號地舖 #foodblogger #hkfoodblogger #foodphotography #hkrestaurant #hkfoodshare #香港好去處 #香港美食 #香港美食推介 #香港美食指南 #香港美食地圖 #相機食先 #吃貨 #香港美食 #深水埗美食 #深水埗 #打邊爐 #火鍋 #炭爐火鍋 #炭爐邊爐 #食好西 #今晚食乜好 #金和記海鮮菜館…查看更多

呢日放工同事話帶我去食好嘢，原來係嚟到呢間懷舊小店，呢度用炭爐打邊爐，好有風味，佢話早一日就已經WhatsApp預訂，去到店員仲詳細講點樣淥先至最好食，服務好好。 馳名豬骨鍋：豬骨鍋散發著濃郁的湯底香氣，豬骨經過長時間熬製，兩大嚿豬骨，豬骨拎出嚟，可以用飲管絕到佢啲汁，好正！豬骨的鮮甜味道完美地融入湯中，賦予了湯底濃郁的口感。自製的四寶丸:自製的四寶丸，包括芝心墨魚丸、蟹籽蝦丸、芝心牛丸和麻辣豬肉丸。這些丸子都是精心製作的，口感鮮嫩彈牙。芝心墨魚丸散發著墨魚的獨特鮮味，蟹籽蝦丸則有鮮蝦的鮮甜滋味。芝心牛丸則以嫩滑的牛肉為主，入口即化。最後，麻辣豬肉丸帶來了一抹辣味，令人興奮。這些丸子的多樣化口感和豐富的風味使得品嚐時刻更加驚喜。本地手切的牛柳邊:以新鮮的牛肉切成薄片，保持了肉質的嫩滑和鮮美。牛柳邊可以在湯底中迅速煮熟，保持了牛肉的鮮嫩口感。每一口牛柳邊都帶來濃郁的牛肉風味，令人回味無窮。…查看更多