餃燃串 (已搬遷) 新店位置

前幾日喺金魚街睇完貓貓，就係附近搵下有咩好食，見到依間新開嘅舖頭好多人排隊，有餃子同埋串燒食，價錢又唔貴就試下🤣同朋友一人嗌咗一款餃子share嚟食，嗌咗個韭菜豬肉湯餃，湯底係椰子雞湯，個湯底清得來又甜，另外嗌多個煎餃係粟米芝士豬肉餃，雖然係煎嘅但一啲都唔油膩，同埋個餃子皮煎得好脆好香👍👍而係串燒方面，嗌咗豬頸肉，翠玉瓜，牛柳粒同埋牛脷，個人最鍾意係豬頸肉，加埋孜然粉入口嘅油脂香真係好正🤤，食到差唔多就食埋原條燒茄子，又可以中和返食咗咁多肉嘅罪惡感🤭另外個蠔同帶子有好多蒜蓉喺面，啱晒鍾意重口味嘅我，同埋食得出都好新鮮，一啲都唔會有腥味最正係有支裝嘅可樂同忌廉飲，成件事香港味道出晒嚟😎