二兄車麵館

營業中

休息中

陪阿女去大圍交收，順便周圍搵嘢食，經過一間餐廳叫二兄車仔麵，裝修時尚簡潔，集港式茶餐廳和車仔麵於一身，我哋有興趣試吓，立刻入座去也！餐廳營業時間 06:30 - 03:30，好少有餐廳有咁長營業時間，食客之福！招牌大碗麵已經選好的餸有豬紅、豬皮、蘿蔔、魚蛋、雞翼、雞翼尖、紅腸、菜，非常豐富，每款都好入味，豬皮爽口、蘿蔔林甜、魚蛋彈牙、雞翼滑嫩，配油麵和沙嗲汁，沙嗲湯底非常濃郁，好惹味。咖喱豬皮魚蛋：豬皮魚蛋煮得好入味，食落滿口都是濃濃咖喱香味。星洲炒米帶點咖喱香味，米粉軟硬適中，味道香濃，材料豐富，有蝦仁又有火腿午餐肉等，十分好味道。凍檸茶：檸檸清香，冰涼解喝，紅豆冰：紅豆份量都好多，而且好林甜，奶味香濃，甜度適中！