永年士多 (奧海城二期)

營業中

休息中

去奧海城夾下公仔掉彩虹，玩完當然要醫下肚！見到大食代入面好多餐廳選擇，最後我哋就揀左永年士多，食我哋最鐘意嘅車仔麵！每次都會點大碗麵車仔麵，因為車仔麵配料樣樣都有齊，有豬腸、魚蛋、蘿蔔、豬紅、豬皮、雞翼、 雞翼尖、魷魚、紅腸、菜，有成十樣餸，可以食哂佢哋嘅招牌餸菜，我仲加左豬手添，超大碗，非常豐富！另外我就點左淨酸齋及熟蝦醬通菜同朋友share，佢地嘅蝦醬好濃嘅鹹香味，通菜爽口，好正！天氣咁熱，要飲返杯凍飲消下暑，佢哋新出左杯白桃多多特飲，入面有白桃粒，飲完好冰涼，非常滿足！