永年士多 (奧海城二期)

見佢做＄19 竹生麵優惠，覺得不防一試，但試過後應該無下次。蘿蔔，大腸係ok既，我揀左 咖哩汁（中辣）配腩汁，點知影響哂成碗麵，D咖哩汁係死辣，真係扣哂分。＊匙羹，筷子勁dirty，係“洗唔乾淨”；個App去度俾Ailpay hk，係死左無畫面，重複試左3次，再試一次八達通又係唔得！最後要去cashier order! 真係好唔掂！！！！！！…查看更多

上OpenRice睇到佢收9:30，8:5x分行入去諗住點餐，擺明唔想做你生意話乜都冇，面底同埋啲餸大部分都話冇，望入廚房原來好多嘢收起咗入曬袋！算，走人！唔想做生意改收9點啦！成個foodcourt間間都仲做緊生意係得你哋明趕客…查看更多

永年士多米線：濃味爆擊！豬腸魷魚多到瀉，但味精重到飲水飲到天光？ 行過永年，$54碗「豬腸＋蘿蔔＋魷魚米線」香氣攻鼻，未食先興奮！一上枱震撼眼球——豬腸堆成小山，炆得軟糯帶咬口，肥膏甘香；蘿白吸盡湯精華，一咬爆汁無渣；魷魚圈多到瀉出碗邊，爽彈唔橡筋。米線分量十足，兩女仔分都可能飽！ 但！第一啖湯即中「味精重拳」！鹹香濃烈似化工襲擊，鮮味假到震。豬腸、蘿蔔本該出彩，卻被味精浪淹沒。食半碗喉嚨乾過沙漠，狂灌兩杯水都解唔到渴，夜晚更渴到醒幾次⋯⋯ 結論：抵食巨量黨狂喜，食味炸彈夠過癮。但淡口／健康派必避！想試建議走味精湯，或自備1.5L水作戰！（評分：7.5/10 － 味道扣到痺！） …查看更多

去奧海城夾下公仔掉彩虹，玩完當然要醫下肚！見到大食代入面好多餐廳選擇，最後我哋就揀左永年士多，食我哋最鐘意嘅車仔麵！每次都會點大碗麵車仔麵，因為車仔麵配料樣樣都有齊，有豬腸、魚蛋、蘿蔔、豬紅、豬皮、雞翼、 雞翼尖、魷魚、紅腸、菜，有成十樣餸，可以食哂佢哋嘅招牌餸菜，我仲加左豬手添，超大碗，非常豐富！另外我就點左淨酸齋及熟蝦醬通菜同朋友share，佢地嘅蝦醬好濃嘅鹹香味，通菜爽口，好正！天氣咁熱，要飲返杯凍飲消下暑，佢哋新出左杯白桃多多特飲，入面有白桃粒，飲完好冰涼，非常滿足！…查看更多

我9:05到永年，行到佢收銀櫃，打算落單，收銀女職員黑口黑面同我講要自己手機落單，唔緊要，咁我打算手機落單，到我download完成個Apps之後，打算去撳，我發現落單時間係至到8:30，其實可以直接同我講，落單時間已經過咗，而唔係要我自己download完成個Apps之後先知。:(…查看更多

陪伴香港人長大既車仔麵係永年士多就食到啦～重現香港經典風味，食完真係好滿足呀～🍜大碗麵，粗麵，加配蘿蔔諗唔到食乜就一定揀佢全因佢有勁多餸乜都有啲，就唔使諗啦～豬紅，魚旦，豬大腸，時菜，魷魚等非常豐富加上吸滿湯汁既蘿蔔好甜冇得輸！👂麻辣豬耳，🐄麻辣牛柏葉經典小食，爽口得黎唔會太辣🫑腐乳通菜識食一定係食佢香濃腐乳汁好高質通菜都幾嫩口㗎🍊酸齋同樣都係經典美食，酸甜開胃冇諗過係food court 都食到咁有特色既車仔麵檔！開心！…查看更多

假期黎到奧海城，見到Food Court都有永年士多！好開心即刻去整翻碗先😌呢度好好，有永年士多專用位，環境乾淨闊落。QR code點餐，簡單易用👍🏻招牌麵有豬腸、豬紅、魚蛋、蘿蔔。豬腸洗得乾淨入味！魚蛋係陳皮魚蛋，爽口彈牙，食到少少咖喱味，蘿蔔十分之好食，炆到好腍又清甜，一啲苦味都冇。豬紅份量都好多！另外推介好多雞翼同埋雞翼尖都好好食，入曬味，雞翼尖更加係入口即溶，唔使點樣用牙咬🤣麵底我地試咗粗麵和河粉，粗麵蛋味夠重，河粉爽滑唔易斷，兩款都唔錯。湯底可選招牌咖喱醬同手工麻辣醬，都係好正架，唔會太鹹，飲多幾啖都無罪惡感🤭再搭配一支樽仔奶茶，十分滿足😌依家永年士多晚市仲做緊超優惠晚市二人套餐，兩碗四餸麵+一碟菜+兩杯冷熱飲品先係$99蚊🤤好抵食呀…查看更多

細細個好鍾意食車仔麵但一直都食唔番以前大排檔果隻味終於今日係永年士多搵番！最抵食就係佢地嘅套餐三豬麵 $49已經包左豬紅、豬腸、豬皮入部都滷得好入味再加埋個麻辣湯底真係好惹味！老公就叫左個全日限定套餐，都只係$53入面有蟹子丸、貢丸、墨丸、蘿蔔、雞翼尖仲包蠔油油菜同凍飲真係超抵食！！飲品我跟餐加$15要左杯白桃多多上面真係有粒粒桃肉夏天飲真係幾fresh另外小食方面order左個辣串combo同麻辣孖寶前者其實係車仔麵餸用竹籤串好我仲以為係串燒，失望左一下但佢四個餸都係皇牌野陳皮魚蛋、水魷、牛柏葉、豬腸配埋個辣醬都幾好食而孖辣孖寶就重覆左牛柏葉但個豬耳好爽如果大家有興趣我建議是但揀一款就得！…查看更多

今日同fd去奧海城行街，行到攰攰地就要搵地方坐下食嘢！搵食梗係去大食代啦，多選擇嘛！一行入去見到永年士多，唔洗諗，一定攞呢間！佢有最具代表性嘅車仔麵，都係我哋最鍾意食！今次就點左大碗麵車仔麵，車仔麵配料都有齊，豬紅、豬皮、魚蛋、紅腸、豬大腸，雞翼、雞翼尖及蘿蔔都有，而味道可以選擇麻辣味和咖哩味，真的很貼心，我地仲加左掣筋好爽滑添！呢碗麵係勁大碗，所以我哋就一碗麵再加小食！咁食咩小食呢？點左韮菜豬紅同脆香淨魚皮，啲豬紅好夠入味，另外魚皮好香脆呀！貪心人士仲驚唔夠食，點埋串串！我哋就揀左大家都鍾意嘅魚蛋串、豬腸串、牛柏葉串，3款都好街頭風味！另外見到有得點菜款，我地就點左腐乳生菜，啲腐乳夠濃夠香，入口大滿足！此外見到仲有特飲就揀左白桃多多，好適合炎炎夏日消消暑啦！…查看更多

⭐豬腸雞翼豬手冬菇酸齋撈麵（微麻辣）份量十足大大碗嘅撈麵，可以選麻辣或者咖哩辣，仲有唔同辣度可以選擇。豬腸洗得乾淨q彈可口；雞翼夠入味；仲有必食嘅招牌酸齋，酸酸甜甜勁開胃😜😜😜😜😁😁⭐牛筋牛腩牛柏葉烏冬（微咖喱辣）牛魔王必點嘅牛筋牛腩，兩款餸都好入味，牛筋滿滿嘅骨膠原，入口即化；牛腩肥瘦相間，牛味濃郁；牛柏葉煮到剛剛熟，爽脆可口👍🏻👍🏻⭐菲菜花豬紅有別於平時嘅韭菜豬紅，呢度係用咗韭菜花，韭菜花更為幼嫩，入口完全唔覺有渣⭐鹵水虎皮鳳爪佢哋嘅鹵水味道唔錯，虎皮鳳爪夠入味，比傳統酒樓嘅鳳爪更好食⭐白桃多多（凍）期間限定嘅時令特飲，入面真係有白桃肉㗎…查看更多

最近去咗奧海城永年士多，試咗佢哋的車仔麵，真係好驚喜！首先，點咗個串串combo，裡面有魚蛋、魷魚、豬腸同牛柏葉，睇落真係好正！實物比我想像中靚，真係好吸引呀😍😍。魚蛋咬落去好彈牙，口感一流！🐟💦 魷魚同牛柏葉同咖喱汁真係好夾，兩者都掛得好靚，食的時候好有味道。而且，豬腸清潔得好好，完全冇腥味，食落去舒服得黎又唔會覺得油膩👍👌。講到車仔餸，佢哋有好多款都好出色。我個人最愛就係雞翼尖🍗、豬皮🐷、滷水糖心蛋🥚，仲有南乳豬手，真係每一樣都令人讚不絕口！👏👏 最後加杯蜜桃益力多🍑🥤，完美結尾！…查看更多

永年士多 📍大角咀海庭道18號奧海城二期1樓大食代2號舖香港🇭🇰原味道👅想食車仔麵一定會諗起永年懷舊車仔麵～車仔麵配料選擇多而且係自家秘製調味！🌟推介大家一定要試試自家秘製咖喱醬好正🤤今日來開大角咀奧海城又來食返碗車仔麵車仔麵勁多款配料可供選擇😆好正我簡左三豬麵：油麵底豬紅、豬皮、豬腸！款款配料好岩食！豬腸真係無得輸用上秘製滷水醬汁另外叫左碗牛筋腩蝦籽撈麵💯👍🏻真係好好味牛筋腩炆得勁入味！撈麵蝦籽勁香！小食就叫咗麻辣孖寶：豬耳、牛柏葉！同埋魷魚串仲有記得叫招牌飲品：樽仔奶茶👍🏻茶味濃香…查看更多

今天我第一次來到 visit，點了一碗辣湯配上闊麵，搭配鱿鱼、豬皮和魚皮餃，總共只需 $50，性價比相當高。辣湯這碗辣湯的湯底非常好味，辣味適中，讓人感受到一絲微微的麻辣。湯裡的香料味道突出，讓整碗湯都充滿了層次感，絕對是寒冷天氣的絕佳選擇。闊麵闊麵的口感滑順，吸收了湯底的精華，每一口都令人滿足。麵條彈牙，與湯的搭配非常和諧，不會過於油膩。鱿鱼鱿鱼新鮮且彈牙，煮的剛剛好，不會過韌。與湯底的辣味相輔相成，讓人忍不住多吃幾口。 豬皮豬皮非常入味，口感滑潤，與湯的搭配增添了豐富的口感層次，讓整碗湯的滋味更加豐富。魚皮餃魚皮餃的外皮薄脆，內餡鮮美，令人驚喜。配上辣湯，香氣與湯的辣味完美結合，讓人停不下來。總結總的來說，Bb 辣湯的這一餐令人十分滿意，無論是食材的鮮度還是湯底的調味，都讓我感受到廚師的用心。以 $50 的價格，能享受到如此多樣和美味的食物，絕對值得一試！下次我還會再來，期待更多的驚喜！…查看更多

之前經常路過見到好多地方都有分店，今日嚟試下😎😎牛筋腩撈麵🍜🍜嗰麵爽滑彈牙，份量超足。牛筋煮嘚火候十足軟腍程度啱啱好，咬落有韌勁又唔會太費牙力。牛腩補分更係精華所在，肥瘦比例完美入口即化，每一啖都令人幸福感爆棚。超足料大碗麵🦑🦑真係巨多料大碗麵!!嗰碗捧上手沉甸甸，裡面有豬腸/豬紅/魚蛋/豬皮/雞中翅/雞翅尖/蘿蔔/魷魚/紅腸，一筷子麵夾起身總會帶住唔同嘅料，肉中有麵，麵中有肉。墨魚丸紫菜湯🐠🐠簡簡單單嘅湯都令人驚喜，湯底清甜，墨魚丸彈性十足，咬落去會"卜卜"聲，而且墨魚味濃郁睇嘚出真材實料。紫菜嘅加入，微微嘅海鮮味襯托出墨魚丸嘅鮮美，好解膩。…查看更多

喜歡吃車仔麵的我一定唔會錯過這間超出名的車仔麵店，原來在奧海城2期開了新店，最近去奧海城行街，順便去試試。原來餐廳開在美食廣場內的檔位，對正入口，雖然地方很大，有很多店鋪，但永年士多自成一角，有專屬永年位置，超方便搵位。客人用自己手機點餐和付款後，再等號數拿餐，拿餐後自己搵位坐，客人可以根據自己的口味選擇不同的配料。我們分別點了兩份自選餸麵豬皮份量好多，吸收了湯底腩汁，口感入味爽口。豬腸內沒有厚厚脂肪，處理得非常乾淨，沒有那豬騷味，食落口感腍滑軟身。豬紅亦值得推介，豬紅唔太鹹無血腥味，外爽內腍超入味，好食。豬腸、豬紅真係食車仔麵先會食到，雖然邪惡，但真係好味。牛筋煮得軟糯有口感，嚼勁十足，又富骨膠原，相當滋味。再試埋個酸齋，酸齊比較特別，煮得入味，口感軟綿，濕潤多汁，酸酸甜甜好開胃，唔係間間車仔麵都有呢款餸叫。油麵做得非常出色，份量多，面條彈牙有咬口，沒有煮過火，煮至軟硬適中，入口依然有口感。每一口車仔麵都充滿了濃郁的鮮味，湯底通常是經過長時間熬煮，味道醇厚，配上彈牙的麵條，使人食到停不了。總結：車仔麵無論是作為宵夜還是正餐，都能帶來一種滿足感。無論你是本地人還是遊客，嘗試一碗車仔麵絕對是不容錯過的美食體驗。…查看更多