通達食店

營業中

休息中

通達朋友介紹過好多次，終於可以試到啦。我係平日下午茶時段去，所以人流唔多，坐得好鬆動，鋪面都幾大，好多位。掙扎咗好耐，好多野都好想食，好多野都好吸引。最後叫咗碗油渣魚肉湯麵，有分辣同唔辣，我就揀咗辣嘅。碗麵，真材實料，落足料呀。有火腿絲，冬菇片，辣菜莆，豬油渣。好鐘意個辣菜莆，少少辣又好爽口。豬油渣唔係油咋過，所以食落去唔會覺得滿口油咁。魚間啲魚肉整到正方體咁，好得意，仲要好彈牙添。湯底清清帶辣。麵有啲似鳥冬，又有啲似上海麵。碗麵對我女仔黎講算大碗，食完已經好飽啦。好味。仲有好多野想食，下次再黎試過。