樂園魚蛋粉

營業中

休息中

今晚冇飯開，所以一個人想簡單食碗面🍜見呢一間餐廳都幾多人喺入面食緊野所以就冇諗咁多，入咗去試試佢 😝不過呢度實在係有太多選擇啦作為有選擇困難症嘅天秤座，真係覺得好難揀🤪最後揀咗雲吞墨魚丸雙拼🤤店家好細心咁將啲葱放喺匙羹度就算有人唔記得叫走青都唔使怕雲吞size啱啱好～皮薄餡靚墨魚丸都好味！清湯底其實可以加腩汁，但我唔記得咗😬不過有辣椒油搭救食粉麵點少得辣椒油🤫實在太過肚餓嘅關係，再叫多咗碗淨墨魚春卷彈牙得來入面又有粟米層次即刻豐富咗🫡另外，仲叫多咗碟菜～唔知係唔係因為今日去得晏所以去到嘅時候得返菜心但係啲菜心好靚好甜！