夜燒站

營業中

休息中

夜麻麻肚餓去邊好？呢間小店位於荃灣聯仁街，由下午三點營業到十二點，地方比較偏遠但估唔到晚上到訪都Fully Booked，無論係一家大細、朋友聚餐或情侶們，基本上咩組合都見到🤣 食物老少咸宜，價格合理，值得一試。前菜有蟹肉脆皮沙律，出面比較少見，份量細細，醬汁夠多，滿滿蟹肉沙律餡料連同脆皮一齊食，口感層次感豐富。港式串燒款色好多，午餐肉、腸仔、芝士腸、紅腸、燒賣、花枝丸、鴨胸、餃子，以蜜糖調味，好似去咗食BBQ咁！肉類方面要咗醬油雞全翼、芝士煙肉番茄、豚肉本菇卷、野菜豬肉卷、煙肉芝士卷同豚肉大葉卷。外皮微微脆身，肉味突出，薄切，內裡包住唔同餡料，值得一讚嘅燒完仍然好多汁！啤酒薯條份量偏少且炸粉厚，而明太子卡邦尼煙肉烏冬味濃又Creamy，適合多人分享。菜品同樣出色，娃娃菜、四季豆、西蘭花苗 山藥福包、炒雜菜、燒豆腐、牛油蕃薯仔、牛油粟米，入味Juicy，幫助解膩。最後以甜點作結，分別為芝士年糕同焦糖芝士蛋糕，前者即叫即整，建議提早叫，熱辣辣，外脆內黏、後者淡淡芝士香氣，冰冰涼涼，甜度適中，Encore咗兩次😆