Triple O's by White Spot (太古廣場二座)

營業中

休息中

之前去過海港城果間，食完回味無窮，後來知道公司附近的太古廣場都有一間，星期六返半日，放左工就走去食。今次都係食返上次果個草菇包套餐，唯一不同的是今次加左芝士，但食落其實無乜分別；塊牛肉無海港城果間咁多肉汁，食到差唔多完仲覺得塊牛肉有點乾，好似M記果種牛肉咁，薯條亦都略凍同乾。佢地唯一較海港城店優勝的地方係唔駛自己拎野食，由店員送上，但老實講，食得快餐的話，食物係自己拎定店員送過黎唔係咁重要，所以我無因此而對呢間店加分。總括黎講個餐仍然係食得入口的，但七十幾蚊換黎咁的水準，就唔係幾值。港島區的店不一定比九龍區好，這間店己是一鐵證。