Triple O's by White Spot (太古廣場二座)

Triple O’s by White Spot 係一間加拿大嘅連鎖快餐店，1928年已經開業，主要係食漢堡包、薯條同埋奶昔。不過，佢的香港分店現時得返2間，主要集中係港島區。金鐘太古廣場分店有少少難搵，因為餐廳開左係地庫超級市場裡面。今次同朋友去開港島區，一齊食左原味牛肉漢堡、蘑菇牛肉漢堡、芝士燒牛肉汁薯條、薯條、士多啤梨奶昔 及 Oreo 奶昔。………………………………………………原味牛肉漢堡 及 蘑菇牛肉漢堡⭐️⭐️⭐️⭐️一款係經典款嘅牛肉漢堡，有生菜係裡面。而另一款係加左蘑菇的牛肉漢堡。食材用料唔錯，漢堡麵包、生菜、芝士、醬汁同埋蘑菇都好味，不過牛肉就有少少鞋，唔夠Juicy ，似乎廚房煎得耐左少少。芝士燒牛肉汁薯條⭐️⭐️薯條本身係比較厚身，有好濃嘅薯仔味，醬汁都好味，芝士可以做到拉絲效果。不過薯條好霖，完全唔脆。普通薯條⭐️⭐️薯條無淋汁都一樣好霖，完全唔脆。士多啤梨奶昔⭐️⭐️⭐️⭐️士多啤梨甜甜地唔假，比較杰身，飲完好飽。Oreo 奶昔⭐️⭐️⭐️⭐️Oreo 都好難唔好飲，朋友表示好飲，不過都係灣仔個間分店好飲啲，一樣係覺得比較杰身，飲完好飽。………………………………………………眼見越嚟越多外國連鎖店係香港結束業務，Triple O 嘅分店都越嚟越少，而且價錢確實係唔平，不過灣仔分店真係幾好食，話晒都百年老店，有機會值得多多支持。…查看更多

來自加拿大行中上價位嘅Triple O’s by White Spot，喺香港嘅分店雖然唔多，但如果講起Triple O’s唔知你又會諗起咩呢？我第一時間都諗起佢嘅磨菇漢堡！我越諗越想食，所以今日一於去金鐘睇戲順便食Triple O’s by White Spot啦！去到金鐘嘅分店，發現呢個期間限定嘅升級牌磨菇漢堡（Peppered Bacon Mushroom Melt Burger），身為蘑菇控嘅我雙眼已經發晒光喇！打開包裝紙，就會見到Triple O’s放面嘅酸瓜，真係好 iconic！麵包好軟熟，煙肉好香口，漢堡又夠晒 juicy！仲有大量蘑菇配埋特製醬汁，真係好match呀！煙肉芝士薯條夠粗又夠脆，薯條芯更加係好香綿，好滿足嘅感覺！加埋大量嘅芝士同煙肉，口感一流，記住要早啲食，如果唔係芝士凍到硬晒就後悔莫及。A姐一路話好邪惡，一路放晒落口，我突然間覺得佢成隻小魔怪咁！今日嘅另一個漢堡選擇，就係燒牛肉，同樣地打開包裝紙，就會見到Triple O’s放面嘅酸瓜！燒牛肉對比漢堡相對無咁油膩，係一個健康嘅選擇。燒牛肉份量超多，咬落去好有口感，加埋特製嘅醬汁，同樣地一試愛上！…查看更多

去金鐘看戲，入戲院前食一個晚餐，太古廣場平、靚、正選擇係Triple O。點了魚柳飽餐，魚柳炸得香脆，內裏雪白的魚肉鮮嫩多汁，真的很美味，薯條水準可以，配一杯Coke Zero，一百元多啲，價格合理。…查看更多

Triple O係我細細個食過最好食嘅burger，當然都係同麥當勞嘅漢堡包比較！細個真係覺得好好食！差唔多好多年都冇食，今日經過，諗住追番之前嘅回憶，即刻同朋友去試吓！金鐘呢間分店，地方細細，本身就係一個supermarket 入面，係lunch Time見到人頭湧湧，個個都買緊外賣，淨係見過收銀都大把人排隊！但奇怪嘅係Triple O竟然冇人排隊，而且仲有好多位坐，真係好奇怪！我有少少懷疑會唔會中伏，結果我都係坐低，同朋友各叫咗一份套餐，佢食魚柳漢堡，我食傳統牛肉漢堡。兩個burger都係正常，絕對唔會唔好食，但可能試過其他burger，以前神級嘅burger已經變得失色，另外薯條一樣係粗粗嘅薯條，但係都係一樣，變得正常！人嘅期望會越嚟越高，我覺得佢都應該要進步，如果唔係最終會被淘汰！希望你加油！…查看更多

中午想食漢堡包 行過見到呢間野 就去買雞扒薄到一個點 以前食過係juicy 姨家係乾 真係差左好多薯條就中規中矩96蚊絕對有更好既午餐選擇 呢間真係不用再吃貼番收據證明有消費…查看更多

Having been so enthusiastic about my strawberry milkshake last time, I was all the more keen to try the blueberry version of Triple O’s scrumptious shake.This time round, I was really looking forward to enjoying:1) a dessert-like drink with 2) the consistency of a thick ice blended blueberry smoothie and 3) the distinct creaminess of a milkshake made with scoop after scoop of premium ice cream (well, that’s what it says on their website.)What I got served:1) ✅ Yes, with such a spectacular nutritional profile, this is no doubt a drinkable dessert in a cup. 2) ❌ Alas, this was not that icy at all. It was on the watery side, and oh very much so.3) ❌ If something is watery, it will certainly not be considered creamy. A creamy milkshake must not be watery to begin with. On the other hand, blueberries are a superfood and are high in water content (84% of the fruit is made up of water.) Real blueberries were used to make the milkshake. Each sip I took, I ended up with a mouthful of pulverised but real blueberry pieces.Junk food that features a nutritious superfood like blueberries is so rare that I think I will try my luck again at the blueberry milkshake in hope that it will be a step (or two) closer to my expectations, for example, much more ice-creamy and a lot less flavoured-milky. …查看更多

我諗應該10年前嘅triple o應該唔係咁嘅樣，金鐘這間分店應該裝修過，🧐現在一至五來都見到人聲鼎沸，非常之擠擁的樣子。😞若非妻子這是早點到單位以及落單，🤩其實平時黎食，都好似都要等位。好似真係我食過附近嚟講最好食嘅漢堡包店，例如Shake Shack即使新開，牛肉夠香夠濃，但其實個包好細，薯條夠脆皮，內裏嘅份量其實都多，不過不知為何總是極乾；triple o的薯條，可能比其他快餐店更加粗肥，但是內裏薯仔份量夠多，結實得來又不會太過乾，調味適中。以漢堡來說，其實這兒的不是特別大，不是特別好，牛肉味道就忘記了，不過這是是的如樓漢堡，魚，亦都夠脆香，凸出來少許，調味剛好，內裏吃到一片片厚實魚肉:)…查看更多

植根香港多年 雖然而家舖面買少見少 但太古分店裝修後仍在舊址整體質素都係一貫水準包唔會好似伍仁咁濕 但包太簿 肉汁唔夠多 但配合埋蕃落同生菜感覺上無咁重口味 薯他反而感覺太鹹 薯條偏遠 如果鍾意食軟薯條嘅人 反而會覺得好好食 藍莓奶昔 一入落口藍莓味好出 冇碎冰 但感覺唔夠奶香 同埋太稀…查看更多

今次行到金鐘，同三五知己一於嚟到呢間店搵個簡單嘅午餐。要講嘅係，佢哋嘅磨菇牛肉漢堡真係正👌！肉汁豐富嘅牛肉，咬落去肉味超香，襯埋一撻撻嘅磨菇，真係好夾！薯條又係另一個驚喜，外皮香脆，裡面軟綿綿，簡直吞雲吐霧噢！仲有冰冰涼優格梳打，夠晒消暑解渴。無可否認，雞肉蘑菇芝士堡都好吸引，呢個雞肉汁多得滴，加埋芝士同蘑菇，幾香口！每一啖都係滿足感爆棚，令人心花怒放。配嘅薯條又做得啱啱好，唔會油膩，每條都爽口得嚟帶啲自然嘅甘香。總結，呢間店嘅肉質、麵包鬆軟程度、食材新鮮度，全部都優質得嚟唔係太貴杯，絕對係心滿意足嘅一餐。下次過嚟，我一定要再試吓其他款式，保證再有新驚喜！🤤🍔🥤…查看更多

作為Triple O的支持者差不多20年, 見證住其分店數目增加與減少, 無論環境順逆, 在太古廣場的店舖如此, 沒有太多變化, 只要超級市場還在, 它應該還在的樣子. Triple O應該是貴價漢堡包的先鎽, 也是我第一間接觸到, 定價要三位數字的漢堡包. 當然今時今日的負擔能力比之前高, 現在吃起來反而覺得抵了不少, 因為基本價格也要這個價錢.說到我喜歡這裏的, 就是軟熟的麵包, 沒有太多處理過的痕跡,外表和口感同樣鬆軟, 提供大量空間去吸收肉汁和醬汁, 其自家製的象徵酸酸甜甜, 還有芝士的鹹香, 配上五成熟的漢堡扒, 結合起來就是這裏的特色. 連皮厚切炸薯條和原個雪糕球打成的奶昔, 充滿邪惡的快感.…查看更多

繁忙嘅生活，好多時候大家都會選擇食快餐！速度又好減減壓又好，又想食返間高質少少，我通常都會去食tripleo😋佢有好多唔同嘅選擇，漢堡包呢反而我從來冇食過，通常呢我都會鍾意食佢嘅Chicken tenders,佢有三舊或者5舊選擇，如果好肚餓嘅話呢我通常都會叫個combo,你可以選擇係要薯條啦，或者係沙律🥗薯條係粗身薯條雞柳超出色，佢炸出嚟呢係超多汁勁juicy果隻，一d 都唔柴，你可以選擇芥末醬或者燒烤醬，偶然食吓呢啲肥仔餐，心情會快樂啲㗎😋😋…查看更多

自己一個人的時候最鐘意食快餐平時去開M記，但今日來開金鐘當然要食下貴價版開心下🔆Bacon & Cheese Combo Burger Burger 係即叫即整，包有烘過，熱熱地又脆脆地，漢堡肉質口感滿滿，牛味十足，加上煙肉、芝士、生菜，配上特製醬汁，好夾，真係每次路經金鐘都會想來食🔆Poutine (要額外加錢）肉汁味濃，不過加左汁後啲芝士薯條好似痴埋一堆，係好味既，不過食起上來有啲難搞🔆可樂一杯16oz…查看更多

在我未戒牛肉之前，已經特別鍾意食魚堡。還記得小時候在界限街轉入伯爵街有一間街坊快餐店，那是我吃過最好味的魚堡。後來離開了該社區，長大後再回去，快餐店已沒有了。小朋友，甚麼魚甚麼醬都不懂，只知道百吃不厭。不難想象那魚堡用的都是雪藏魚柳，他他醬也不會是甚麼稀世奇珍，但就是對那味道念念不忘。終於，我在Triple O's 重遇這味道了！我當然不是將一個來自加拿大的國際連銷品牌跟一間已不存在、名不經傳的街坊快餐店相提並論，我只是憑感覺、憑味道去追尋。我吃了Triple O's的魚堡很多年，個人認為是市場最好的了。當然，在金鐘某酒店高級餐廳有一個需要預訂的魚柳包非常出名(遲些再介紹)，我吃過，確實是好，但1) 我不能將一個三百幾蚊的高級魚柳包跟一個77蚊的快餐店魚堡去作比較 2) 我本身較喜歡炸魚柳而非壓成長立方體的那種魚柳(像麥記那種)。所以Triple O's的魚堡是我的首選。每一次我都會點套餐，並將跟配的薯條改為薯餅，不用補錢。飲品呢，我是一名奶昔控，他們的Oreo Cookie Milkshake真是太好味了！我不敢說他們是最好的，因為確實很多餐廳的奶昔都有他們獨特的好味道，但如果你叫我推薦：你去Triple O's啦！Triple O's本身是總部位於溫哥華的White Spot餐廳衍生出來的快餐店。據聞"Triple O's"這名字是來自White Spot註冊了的獨門漢堡包醬汁的名稱，有這樣的背景，我真希望White Spot可以也在香港開業。眼見其他外國品牌如Ruby Tuesday、Outback Steakhouse等也客似雲來，White Spot孖住Triple O's的盛名，我肯定會是定期捧場客。…查看更多

通常食開麥記，KFC 既我，真係好少係香港食其他快餐。 今日,最後一日學急救，咁就係呢度食埋最後一餐當同尼個地方道別。喺太古廣場兜咗幾個圈，，周圍啲嘢都太高檔，一唔係就唔啱食，最後去咗超市裏面嘅快餐店。點知超細，超多人，真係超崩潰，好彩等咗五分鐘就有位。🌟Original burger combo($91) 🌟叫咗最普通最原始嘅漢堡包，combo可以加一個凱撒沙律又或者薯條。 店舖聲清漢堡牛扒係用100%澳洲牛肉製成。食落都真係幾有牛味嘅，唔似麥當勞講真一塊扒。 但係講真shake shack 同five guys同嘉寶 ，都係用real beef, 但係價錢同埋味道就好食得多。 因為佢個酸瓜世界級咁咸，仲有比得超小醬，好孤寒。 食開平價嘢嘅快餐既我表示，我會寧願食返麥當勞。 呢個價錢同埋質素真係唔值。 …查看更多

以前未有太多Burger店進駐香港Triple O算係頭幾間高質嘅Burger店今日喺金鐘做完嘢同朋友嚟食返個慶功宴點咗一個Fish Burger，加$29變ComboCombo有一個汽水，再揀配沙律或者薯條既然叫得做慶功宴，梗係叫個邪惡薯條啦飲品我就加咗錢，叫咗杯iced coffeeBurger即叫即整，麵包有烘過👍🏻舊魚柳唔會乾爭爭仲好嫩滑Juicy，值得一讚薯條係連皮㗎😍 I love it枱面有茄汁，唔夠可以隨便再加不過佢哋嘅薯條就算就咁食都好好味👍🏻食完成個餐大滿足呀😊😊…查看更多