Smile Yogurt & Dessert Bar (已搬遷) 新店位置

同朋友食完晚飯，覺得意猶未盡想食多個甜品，經過呢間甜品店，俾佢啲雪糕display吸引左，睇到我流晒口水我點左個以朱古力口味為主調嘅雪糕，朱古力味香濃不在話下，配上嘅蝴蝶酥又估唔到覺得咁香脆喎！同冰凍嘅雲呢拿雪糕造成兩個唔同層次嘅口感！我好鍾意雪糕上面有脆米，食落索索聲，又唔會齋食雪糕咁單調，雪糕最底仲有啲cheesecake配雪糕食真係減肥嘅宿敵而朋友點既雪糕就配上桂花啫喱同焦糖脆片，桂花啫喱整得好香花香味，不過焦糖脆片同雪糕就唔算太夾啦！都係朱古力味嘅好食啲~