贊和豆品

營業中

休息中

已經唔係第一次幫襯贊和，以前未打減價戰時，$5 碗已經唔算貴了，依家直頭只賣 $3 碗，混料都一樣係 $3 碗。以今時今日香港既物價黎講，$3 真係去便利店買水都買唔到，依家 $3 仲要有優質既豆腐花食。真係抵到喊出黎。我多數都係食芝麻糊豆腐花 / 紅豆沙豆腐花。前者既芝麻味勁香濃，滑滑地，甜度適中，後者既陳皮味同埋紅豆味都好出。本身豆腐花份量唔算小，好足料，同我以前正價食既份量都係一樣。如果唔鍾意食豆腐花，仲可以單點芝麻糊 / 紅豆沙 / 綠豆沙！絕對係平價健康小食之選！