影片
更多
2023-05-13
118 瀏覽
幾年前可以成日過香港個陣，間唔中會食呢間日式放題，不論午市還是晚市都唔錯，回頭多次，算是穩陣之選。澳門現時日式放題無咩選擇，好耐無食過咁豐富咁滿足放題啦😍。晚市真係滿晒座，記得提前訂位，我一早係線上預約左！.主要用枱面上QR code落單，有多款刺身、壽司、火炙壽司、創意壽司、手卷、串燒、燒物、炸物、天婦羅、一品料理、煮物等提供，好多選擇，樣樣都想試下！🦐 有一個自助區取餐，一邊係圖四冷盤海鮮（青口、蝦和蜆）.一區係日式前菜（中華沙律、螺肉、枝豆、章魚燒等），仲有少量熱菜炸物和湯提供。.🍶 飲品方面一大個雪櫃內飲料供應，好似汽水、啤酒、紙盒罐裝飲品和無糖自家製冷泡茶等都有，最正係連清酒（凍/熱）、梅酒和草莓燒酒都任你飲👍👍。.🍦 甜品亦選擇多多，雪糕雪條任食，最搶手Haagen-Dazs，一補貨就好快清空，今次仲試左榴槤雪條👍。凍櫃內有乳酪、豆腐花、牛奶布丁、木糠布甸、泡芙仔、蛋糕、提拉米蘇等，仲有一區夾糖做零食。▼晚市成人放題 HKD298/位坐低第一時間掃code點野食先，再出去拎自助區食物和飲品，好快陸陸續續上菜。首圖一大盤刺身太正啦😍 三文魚、油甘魚、吞拿魚、劍魚腩、甜蝦、赤蝦
幾年前可以成日過香港個陣，間唔中會食呢間日式放題，不論午市還是晚市都唔錯，回頭多次，算是穩陣之選。澳門現時日式放題無咩選擇，好耐無食過咁豐富咁滿足放題啦😍。晚市真係滿晒座，記得提前訂位，我一早係線上預約左！.
主要用枱面上QR code落單，有多款刺身、壽司、火炙壽司、創意壽司、手卷、串燒、燒物、炸物、天婦羅、一品料理、煮物等提供，好多選擇，樣樣都想試下！
🦐 有一個自助區取餐，一邊係圖四冷盤海鮮（青口、蝦和蜆）
.
一區係日式前菜（中華沙律、螺肉、枝豆、章魚燒等），仲有少量熱菜炸物和湯提供。.
🍶 飲品方面一大個雪櫃內飲料供應，好似汽水、啤酒、紙盒罐裝飲品和無糖自家製冷泡茶等都有，最正係連清酒（凍/熱）、梅酒和草莓燒酒都任你飲👍👍。
.
🍦 甜品亦選擇多多，雪糕雪條任食，最搶手Haagen-Dazs，一補貨就好快清空，今次仲試左榴槤雪條👍。凍櫃內有乳酪、豆腐花、牛奶布丁、木糠布甸、泡芙仔、蛋糕、提拉米蘇等，仲有一區夾糖做零食。▼
晚市成人放題 HKD298/位
坐低第一時間掃code點野食先，再出去拎自助區食物和飲品，好快陸陸續續上菜。首圖一大盤刺身太正啦😍 三文魚、油甘魚、吞拿魚、劍魚腩、甜蝦、赤蝦、赤貝、八爪魚、帶子、馬刀貝等多款，好鮮甜，好似三文魚、油甘魚、劍魚腩夠晒厚切，甜蝦赤蝦剝晒殼🥹👍。驚易飽無咩叫壽司，只試了一兩款。
泰式虎蝦同平時泰餐一樣，跟泰式酸辣汁和蒜片。薄切活立魚 ，一份四片，跟魚的酸汁和檸檬，甘甜清爽，食落有咬口，叫左大約四五次，配埋清酒簡直性價比之選，飲多兩杯回本先😍！
.
「鹽燒牛舌」惹味香口，可惜肉質過韌， #燒菠蘿 🍍非常多汁好味，睇咁多張相有佢既身影就知。「黃金醬燒開邊蝦」爽口彈牙夠味，「燒香草羊鞍」羊羶味重，朋友唔鐘意食。
.
紫心香芋丸和 #榴槤炸彈 炸到香脆，特別係後者榴槤味超濃郁，外脆內香糯。天婦羅類只試了 蝦，正正常常，炸皮厚薄剛好，炸物類熱辣辣幾好食。
.
一品料理今次只點「鮑汁扣花膠」大塊花膠，骨膠原感豐富，另一個甜的 「花膠燉鮮奶」以燉奶為主，夠滑，花膠得細細條。「醉鮑魚」肉質彈牙又入味。仲有皇牌紅燒乳鴿以及一系列鍋物種類真係太多，有興趣大家要一一試😂。
張貼
