影片
更多
2019-02-17
194 瀏覽
嚟將軍澳探小鬼，有人話要一盡地主之誼，帶我到商場四處逛逛。行完街市，小鬼問我這個「大鄉里」是否有興趣去 TKO Gateway 地下 Food Lane 行下。原來這裡雲集了超過二十間人氣食店，而且環境乾淨企理，場內更特設多個立食位置，方便大家放置食物。行了一個圈，被路口附近這間「清心齋」吸引，原來除了幾款齋之外，這裡還有芒果布甸、豆漿、糕點，甚至芝麻糊同豆腐花等供應，款式非常之多，而且價錢亦十分經濟，齋滷味大盒都只是 $30，糕點 $23 四件，非常抵食。見已很久沒吃過齋，提議買一些回家一起品嚐。買了齋滷味、腐皮卷、芝麻糊、豆腐花、9 件糕點、芒果布甸，另外仲有豆漿及無糖豆漿各一支。睇下陣容幾鼎盛，可以開餐了。齋滷味 ($30/大盒) 揀左酸甜根、咖喱根、蠔油根，幾款調味都很出色。酸齋酸甜適中，令人開胃；咖喱齋香濃帶微辣；蠔油齋入味之餘又不過火，香氣十足。腐皮卷 ($18) 一盒有 4 條，入面的餡料有甘荀絲同木耳絲，咬下一點也不油膩，香口好味。食完齋就輪到吃甜品，先吃暖笠笠的芝麻糊 ($12) 同豆腐花 ($8)。芝麻糊黏稠幼滑，入口帶芝麻的芳香，毫無苦澀味，既暖胃又有益。豆腐花亦
嚟將軍澳探小鬼，有人話要一盡地主之誼，帶我到商場四處逛逛。行完街市，小鬼問我這個「大鄉里」是否有興趣去 TKO Gateway 地下 Food Lane 行下。原來這裡雲集了超過二十間人氣食店，而且環境乾淨企理，場內更特設多個立食位置，方便大家放置食物。
行了一個圈，被路口附近這間「清心齋」吸引，原來除了幾款齋之外，這裡還有芒果布甸、豆漿、糕點，甚至芝麻糊同豆腐花等供應，款式非常之多，而且價錢亦十分經濟，齋滷味大盒都只是 $30，糕點 $23 四件，非常抵食。見已很久沒吃過齋，提議買一些回家一起品嚐。
買了齋滷味、腐皮卷、芝麻糊、豆腐花、9 件糕點、芒果布甸，另外仲有豆漿及無糖豆漿各一支。睇下陣容幾鼎盛，可以開餐了。
齋滷味 ($30/大盒) 揀左酸甜根、咖喱根、蠔油根，幾款調味都很出色。酸齋酸甜適中，令人開胃；咖喱齋香濃帶微辣；蠔油齋入味之餘又不過火，香氣十足。
腐皮卷 ($18) 一盒有 4 條，入面的餡料有甘荀絲同木耳絲，咬下一點也不油膩，香口好味。
食完齋就輪到吃甜品，先吃暖笠笠的芝麻糊 ($12) 同豆腐花 ($8)。芝麻糊黏稠幼滑，入口帶芝麻的芳香，毫無苦澀味，既暖胃又有益。豆腐花亦很有水準，質感非常細滑，而且豆香味濃郁。
至於糕點 ($23/4件、$7/1件) 方面，揀左彩虹椰汁糕、芒果西米糕、紫芋糕、杞子桂花糕、蘆薈椰汁糕、馬蹄糕、芝麻糕、紅豆糕、馬豆糕。彩虹椰汁糕原來係喺椰汁糕入面混入了啫喱，唔怪得之色彩咁繽紛，味道唔錯，好有心思，最啱用來氹小朋友。
另外紫芋糕亦很吸引，糕身呈迷人的紫色，入口帶芋蓉香氣，是筆者的心水之選。而小鬼就盛讚色澤晶瑩的馬蹄糕好有水準，不但味道清甜，而且糕身爽滑又不黐牙、咬下還可以嚼到粒粒爽口的馬蹄。
呢個芒果布甸 ($8)，聽店員講，平日係要 $12 一盒，不過今日因為師父做細左，所以就收 $8，果然係良心小店。
另外店裡的豆漿 ($10x2) 亦好值得推介，全部用加拿大有機黃豆自家石磨，入口完全沒有豆渣，質感滑溜又有豆香，加上依家做緊優惠，只係 $10 支，仲可以揀少糖或無糖，絕對是健康及美容之選。小鬼果然無介紹錯，下次嚟探班，一定要再去 Food Lane 掃街。
張貼
